[أميرة محمود]

مساء الرخامة
فيه فروق كتير بيننا وبين قبيلة الشباب
في النادى مثلا
احنا عادى بنروح النادى بلبس رياضي نلعب شوية تنس
هم بقا يروحوا النادى بلبس عامل زى الراجل بتاع المطافي كدا
ويدخلوا جنينة فيها زرع اخضر جميل مثلا ويتخيلوا انها ملعب كرة قدم
ويقعدوا بقا يلعبوا ويموتوا الزرع ويشتموا بعض
ويوقعوا بعض ع الارض بهمجية
والموضوع يقلب بخناقة وضرب
والرياضة تخلص بانهم يباتوا في القسم طبعا هههههه

في البيت مثلا
احنا بيكون صوتنا هادى بنتعامل مع كل حاجة برقة ونعومة
هم بقا لما بيتكلموا
صوتهم بيوصل للكائنات الفضائية ف الكواكب القريبة مننا
لدرجة الكائنات دى لما بتتكلم عن كوكب الارض بتقول انه فيه نوعين :
الاول ملايكة (ال هو احنا طبعا ) والتانى كائن غوغائي ضوضائي
ولما يجوا يفتحوا باب الاوضه بتحس ان الشقة حصلها زلزال شدته 8 ريختر
الباب نفسه بيقوله حرام عليك يا شيخ براحه شويه
يدخلوا المطبخ يقلبوه ويكسروا كل الاطباق والكوبايات والحلل
عشان كانوا بيدوروا ع ازازة ميه

في الجامعة مثلا
احنا عادى بنحضر المحاضرات ونفهم وبعدين نروح واخر السنة ننجح
هم بقا يحضروا المحاضرات ميفهموش حاجة عقلهم صغنون اصلا
بعدها يقعدوا يعاكسوا فينا
وبعدين يروحوا كافتيرا الجامعة
ويقعدوا ياكلوا ويضربوا ساندوتشات وعصير وبيبسي
يطلعوا من الجامعة بقا ربنا يهديهم ويروحوا لا ابدااااا
يروحوا مطعم ويطلبوا بيتزا وكريب
طب خلاص يروحوا بقا
لا لسا الكشري والطواجن
وفي اخر السنة يسقطوا طبعا ويشيلوا كل المواد
دول مش بتوع تعليم دول بتوع اكل مفجوعين
هههههههههههه

في اللبس مثلا
احنا بنختار لبس شيك وعسول ولايق علينا والوانه حلوة وديزينر مميز
الشباب بقا اشيك طقم عنده بيكون شبه لبس شارلي شابلن او
بيكون شبه لبس شعبان عبد الرحيم
لا والمصيبة بيكونوا فاكرين نفسهم حلوين وجذابين
والبت تشوفهم بتحس بانها هيغمى عليها
وتتعقد وممكن تضرب عن الجواز طول عمرها

يالا ربنا يقدرنا ع فعل الخير
ربنا معانا يا بنات
احنا لينا الجنة منهم