كبريتات / نسبة للعضو كبريت كبريتات كبريتات كبريتات
وحياة مليانه متاهات
وتلاقي الجو ملخبط
مليان كده بالاذمات
شغاله يا احزان شغاله
بين خد ويانا وبين هات
وبين احوال كلها حيرة
اسئلة كده مالهاش اجابات
بين معنى حاير مستغرب
ومكرر فيه العبارات
بين حالة حيرة بتكرر
وغريبة يادي الحالات
كبريتات كبريتات كبريتات
وحياة كلها غرابات
ميمونه بنت المبروك
تتجوز الواد بهجات
ومبارك صاحب بسيوني
بيعاتب اختنا فتكات
موال متغزل بالتوهه
عايزة له جاتوة مع شربات
انا عايز اغني من الصدمه
ما اهو اصل فظيعه الصدمات
وهاتوا لي فته مع لحمه
وطواجن كلها حركات
ويا عيني على حلة محشي
راح ارقص طول الاوقات
وياعيني لو كشري ملعلع
بالشطه واعيش اللحظات
هاتوا لي طواجن بالضاني
اه ياني ياناس م الحيرات
مش عايز فول ولا طعميه
انا بتعب منهم حضرات
واوعاكم م العدس كمان
ممنوع م الصرف ده بالذات
معدتي اصلها توماتيكي
محتارة من بعض وجبات
كبريتات كبريتات كبريتات
وحياة مليانه تحولات
طبعا ده اسمو التحول من التنوع الهيكلي بين الشعر الكبريتي والشعر الكبريتيزمي
حد يقول لي يعني على كده ده اسمه شعر كبريستاني
هبرق له واتنح ويمكن اشخط فيه وهقوله
اهدى ياعم
ده اسمه
الشعر القهريستاني
او
النكديستاني
او
الحزنستاني
وربنا ما فاهم ايتها حاجه
اهو كله كلام وخلاص بقا
كبريتات
يؤ
اقصد كبريت
|