من اول امبارح والحمة جاتنى
يوم الجمعة وأناعلى المنبروخطبة الجمعة
يدوب خلصت مقدمة الخطبة ولسة هقول وأمابعد
الكهربة قطعت
طبعاللى قطع الكهربة ده واحد عنده قوة ايمان فظيعة
لدرجة حضرته اصريقطع الكهربة والناس بتصلى الجمعة
طبعا اضطريت بئا ازعق واعلى الصوت
علشان الناس تسمع
وصوتى بح
وأصلا انامريض لى اكترمن شهر
ومن اربع ايام كنت فى العناية المركزة
الخلاصة
وصلت البيت حسيت فى ماتور شغال فى راسى
وجسمى حصله انحلال
مباشرة على السرير
قغالوا تعالى اتغدى
اتغدى مين ياعم
المهم العصراذن
درجة الحرارة بقيت من غيرمقاييس
روحت للدكتور وقال حضرته دى حمة
رجعت تقريباقبل المغرب بشوية
ومن ساعتها واناماغادرتش
السرير بخطوة وحدة
طعامى وشرابى وأصلا مافيش طعام
غيرالمشروبات والعصاير
والحمدلله اتيمم واصلى برضو على السرير
ساعات اكون قاعد وساعات نايم
والحمدلله الدبلوسي فى غرفة النوم
بينه والسريرخطوتين ونص
صراحة يشكر الملك رع ربنايسميه بالخير
هو اللى وصانى وقالى يارفعت اعمل حمام بداخل غرفة النوم
والكلام ده من حوالى 6 آلاف سنة
كان بيطاهر ابنه الصغير
وكانت الملكة ازيس ربنايمسيهابالخبربرضو
هى اللى جاتنى وقالت تعالى يارفعت نروح نهنى رع بيطاهرابنه
بينى وبينكم كانت بتعزنى اوى يعنى واناكمان
ويمكن يكون مابعد المعزة بشوية
على رأى واحد صاحبى ديمابيقولى
قلبك كبيروبيشيل من الحبايب الف
ماتقولش قلبى ده سوبرماركت
عامله رفوف
كل رف شايل عليه انثى
مش شادية قالت القلب يحب مرة مايحبش مرتين
طبعا هى تقصد مش ممكن يكون القلب فيه اتنين مع بعض حبايب
آه ممكن القلب يحب اتنين واكتربس كل واحدفى زمن
الموووووووووهم
|