[رآقيہ بأخلاقـى]

رساله إلى اصحاب القلوب الرحيمه
يا اهل الخير انا بعانى مش مشكلة كبيرة جداً
انا فى مأساه عايزة مساعدة منكم يا أهل الخير

احنا عندنا غسالة اوتوماتيك تمام كدة ؟
مش دى بقى المشكلة ولا دى المأساه
المشكلة فى ان غسلها مش بيخلص ابداً كل ما اغسل غسله
الاقى ما شاء الله اهل البيت حطولى غسلتين
طيب الست الغسالة الاوتوماتيك دى كتر خيرها بتغسل وتعسر وتنشف
ليه بقى متكملش جملها وتنشر كمان ولما ينشف الغسيل تلمه من على البلكونه
وترصه فى الدولاب واللى محتاج مكوه تكويه او توديه للمكوجى عادى
هندفع احنا مش مشكلة بلاش هى تغرم نفسها
او ليه منرميش اللبس اللى نخلعه ونشترى غيره ؟
ليه نغسل ونتعب نفسنا انا مش فاهمه !!
ها يا جماعه حد عنده حل للمشكلة بتاعتى دى ولا لا

ملحوظه \ انا كبرت الخط علشان محدش يتجاهل رسالتى
لصغر حجم الخط ويتحجج انه مش شايف الكلام كويس