بعد توقف دام حاجه و شويه كده
رجعتلكم من تانى و مع حلقه من حلقات البرنامج
و معايا ضيف متميز جدااا فى مجال الإعلانات
اتعس الله مسائه
الاعلامى الكبير / سيد ابو حفيظه
وانا قاعده مع الحج سيد بندردش شويه
و بناكل خس و جذر
و الشمس حارقه و الجوا برد تلج نار
قلت اسئله زمان و احنا صغيرين كنا بنسمع كلام الكبار بيقولوه و احنا نفهمه غلط
يعنى مثلا كل ما كنا ناكل بعد الاكل عندنا بابا وماما او اى حد فى عزومه الاقيهم يقولوا (( الحمد لله .. اللهم ديمها نعمه واحفظها من الزوات ))
وانا اقول ياربى اشمعنى الزوات يعنى هم ناس وحشه ياااااااااااااه للدرجه دى وحشه لدرجه اننا مناكلهمش 
وفضلت كاتمه فى نفسى وساكته كام سنه كده لحد ما فى يوم فاض بى وقولتلهم اشمعنى الزوات يعنى ؟؟ وطبعا بعد موال الضحك والتريقه اكتشفت انها مش الزوات وانها الزوال والحمد لله مطلعش فيه عداء بينا وبين الزوات لله الحمد
سيد ابو حفيظه: فكرتينى والله بايام الطفوله طب دانا مره كنت زمان فى المسلسلات و كدة اعتقد انهم ممكن يسمعونا و يشوفونا و كدة
و كنت اكلمهم كتير ومحدش يرد على و قلت دول مخاصمينى
ورحت اعيط لماما و اقولها هما زعلانين منى لية
حاجة كمان كنت اعتقد ان المذيعين فى الراديو و المطربين و كل دة موجودين جواة
كفاية عليكم كدة لاحسن تحسدونى على ذكائى
هانا:و كلنا طبعا لينا مواقف كتير و مستنيه مشاركتكوا لحد ما اروح ادور على رانومه
علشان البرنامج مش حاينفع من غيرها
و طبعا حنخلى الضيف يختم حلقتنا النهارده
سيد ابو حفيظه:سيداتى سيداتى علشان مابقاش فى رجاله كده تكون خلصت حلقتنا اشوفكوا الخميس الجاى 