هو أنامتشتاق
ولاأنا أعانى الفراق
ولا أناباكل فلفل حراق
ولا معروض على الشناق
ولا بتخترف ولاايه بالظبط
متهيئلى بعانى خترفة الحمى المتشقلبية
أه هى أسمها العلمى كده
ومشتقة من الشقلبة
يعنى بالفصيح كده الحال متشقلب
الرأسى بقى أفقى
واليمين بقى شمال
والبكى بقى موال
والآهات بقيت ضربات
يارب بئا حوش عنى شوية
لحسن حصلى لخبطة
المخ نزل من الرأس وحلف يمين ماأقعد غيرفى المحفظة
علشان لماواحدحرامى يسرقها
مايبقاش عندك مخ خالص
وتستريح من حكاية التفكيردى نهائى
وكمان قلبى نزل من الجوف الصدرى
وحلف يمين مااقعد غير فى الدلاب
أتنقل بين الأرفف
تعجبنى بلدلة ولاحتى كارفتة
أتشعبط شوية ولماتتغسل اذوب فى الكلور
وتخلص منى
وتستريح من حكاية النبضات العاطفية
وماتفكرش غيربس فى الملوخية والبيتزا
والله احسن برضو
روحوا وريحونى
قرفت منكم
منكم لله يابعدة
قرفتونى وتعبتونى
وقال تقولى إيلانا
أستبدلها بأنثى أحلى
أحلى مين وأوحش مين يابنت مكة المكرمة
ربنايكرمك ويعلى شانك
لو كنتى عرفتى حصلى ايه ولابيحصلى ايه
ماكنتيش قسيتى على اخوك المسكين
مكسورالجناح
|