من يلوم القلب لوباح الخفى
دائما راع الهوى قلبه ضعيف
شفتها تنزل على راس الشفى
شفتها والدمع من عيني ذريف
غيمة طاحت على صم الصفا
وأحجبت عن ناظري شمس الخريف
وأرتوى العطشان من ماها غفى
والأمل عاود على القلب الوليف
خلته يندم على أسنين الجفى
وقلبها كنه مع العالم كفيف
الحنان اللي عقب غيبه لفى
ينغبط من صار في دربه حليف
حبي الها ياعواذل ماخفى
واعتلابالصدق في راس المنيف
السمر والبيض تتركهن قفى
ولا لها بعيون عاشقها وصف
أسمها رمز الوفاءنبع الوفى
إن مشت من فوق هالصحراء تريف
فيتي بالصيف وبشتايه دفى
وأصبحت للقلب مرباع ومصيف
القمرلوشافها نوره طفى
القمر لوشافها أصبح كسيف
أتعبت رجل المولع بالحفى
حبي الها والهوى العذري عفيف
أنتحت والقلب منها ماأكتفى
أنتحت والقلب زادبه مذاريف
وشفت جوي بعد هالغيمة صفى
وعودت اركاب مثلي بالنكايف
لون أخرمن القصيدة
تقبلو تحيتي