الراجل واقف فى حاله
وشغال يفكرفى اللى جراله
البت الموزة كانت مبهدلاه ياولداه
وحلفت براس ابوها ماتسيبه
فى ليلته الهباب إلا لازم تخلى امها تهزأه بشوية
كرك وجود من لسانها اللى بينقط عسل وسكر
مسكين قدعد يترجى فيها بلاش امك
أطلبى اى حاجة وأناهنفذ العقاب
قالت ودينى وماأعبد لازم أخلى أمى تتوصى بيك
أتغاظ
أتقهر
وقال لروحه الموت ولاتهزيئ الأرشانة دى
قرر ينتحر
راح على البحر
ووقف شوية
وهو بيكبى ويقول
والله ياحبيبتى
كنت بحبك
وبحبك من قلبى من جوة
وحبك بيسرى فى جسمى كله
وطول ماأناماشى ألاقى الحب سايل ورايا
ومغرق الشارع
فايح أشواق وحنين
اى حد يمشى فى الشارع
يشم ريحة حبى
ويتزلحق فيه
دا أنا يما زحلقت ناس
حريم ورجالة ووقعوا واتكسرت مناخيرهم
والله ياحبيبتى بحبك
ليه كل شوية عكننى عليا
وتحلفى يمين لتودينى لأمك تهزأنى
طيب والله لأنتحر واستريح من أمك
بس أنت لأ
علشان بحبك
واخد معايا ألبوم صورك
أتفرج عليه وانا
غرقان تحت المية
أتارى
البت الموزة بتعته
كانت ماشية وراها
وسمعته وهو بيكلم نفسه
أستعدادا للانتحار
وجريت بسرعة ومسكته من رقبة اللى خلفوه
وقالت
والآن ياحبيبى
ألقى بنفسك مسرعا ومنتحرا
وإنى سوف اساعدك فى الانتحار
حتى لاتتردد
مع السلامة يابخيل
هشوف واحد تانى
كريم
أهزأه أنا وأمى براحتنا
|