رسالة من حبيب لحبيبته
عجبتنى اوى
يقول فيهالحبيبته
ياساكنة قريب من اللسان
وحشتينى اوى اوى اوى
ونسيت ابارك لك على التلفون الجديد
وماشاء الله نزلت عليه كل البرامج الجميلة
فايبر ووتساب الخ
ولمانقلت الخط فيه
وقبل ماتعملى الحظر على رقمى
كنت سعيد الحظ يومها
بعتلك كام رسالة
ياه فرحت اوى
لماجانى تقرير وصول الرسالة
كنت هطيرمن الفرحة
ورجعت عملت من جديد الحظرعلى رقمى
مش عارف اقولك انت قاسية واناعمرى
ماحسيت منك قسية
اه والله عمرى ماحسيت منك قسية
وكمان خلينى اهنى وابارك من ظهرفى حياتك
جديد وحسيت انك ناوية ترتبطى بيه
وتقريبا متفقين على كده
بس انابئا عندى امل فى الله
انك مش هتكونى لحد غيرى
كده عشمى فى ربنا
وكل شيئ قسمه ونصيب
ولكن عاوز اقولك
بذمتك مش كان احسن لو انك
فارقتينى
وبدون ماتزعلينى
وتروحى تذيعى اسرارى واخبارى لكل الناس
وكل اللى كان يهمه انك تشوهى صورتى
وخلاص وهات ياشتيمة وادعاءات
وتقولى لكل من هب ودب احبار وحكايات
المقصد منها تتطلعينى اوحش ماشافته عينك
فى حياتك
تفتكرى ياحبيبتى انت مالكيش عندى
اسرار واخبار
تفتكرى ولانسيتى اللى كان بينا
من حب واشواق وغرام وهيام
كل دول نسيتيهم ولاايه
مش كان بينا كلام كتير فى الفون والاميل
لو انت نسيتيهم اناعمرى مانسيتهم
ولو كانوا مش مسجلين على الفون واللاب
مسجلين فى وجدانى وقلبى
حبيبتى
عارف انك مش بتخشى نت كتير
ومش بتشاركى فى اى منتدى ولا فيس
بس عارف انك بتخشى وتشوفينى وتعرفى كل اخبارى
مع بعض الاصحاب بتحبى تتابعى اخبارهم
طبعا مبسوطة وسعيدة مع من ظهر فى حياتك جديد
بس خلينى اقولك شيئ مهم
مع كل اللى عملتيه فيا
ومع هجرج وخصامك وشتيمتك ليا
اناعمرى مانسيتك لحظة
ولايمكن اقدر انساك
عارفة ليه
علشان حبيتك من قلبى وعقلى وروحى ووجدانى
عارفة ليه علشان بقيت فى كل كيانى وانفاسى
عارفة ليه علشان حبك بيسرى فى دمى
حبيبتى
اناعندى امل فى الله انك مش هتكونى لحد غيرى
وعلى هذا الامل اناعايش
ومنتظرك
وقريب هشوفك فى المنتدى
بس خلاص
اشوفك بخير
************
عجبتنى الرسالة دى اوى اوى
مافيش اجمل من كده عشق وحب
|