[العاشق الذى لم يتب]

لما النسيم


لما النسيم بيعدى بين شعرك
حبيبتي بسمعه
بيقول آهات
وعطورك الهاربة الدايبة فيكي
كل ما تلمسك
بتقول آهات
يا نجمة كل ما ضيها
يلمس حجر
يعلى ويتحول قمر
بكتب حروف اسمك بحبات الندى
على كل اوراق الشجر
مين اللى يقدر يعشقك ادى انا
مين اللى يقدر يوصفك زى انا
يا حلم نفسي تحلمه كل القلوب
يا اغلى احساس
شدني خلاني ادوب
خلاني احس اني بشر
عايزاني ليه لما تقوليلي
بعشقك مااصرخش واملى الكون آهات