[Dr. AnOosHo]

كل يوم بنسمع خبر وفاه كانه خبر عادي في حياتنا ومن يومياتنا

نفتح فيس او جريده او او ونسمع خبر وفاه شباب صغير في السن

في الاول كان بالنسبه لنا صدمه كبيرة اول منسمع خبر وفاه لحد صغير في السن

دلوقت بحس ان بقى حاجه عاديه من يومياتنا كل يوم

النهاردة

توفت اليوم الفنانه الشابه ميرنا المهندس

بعد ان عانت فترة طويله مع المرض ونقص كريات الدم الحمراء والبيضاء

وكلنا لو نفتكر من 10 سنين تقريبا كان عندها سرطان في القولون وقررت تتحجب وكانت بتقول انا شوفت الموت بعيني

بس للاسف رجعت تاني للتمثيل

من الممثلات اللي كنت بحبهم جدا

الله يرحمها

ويحسن ختامنا جميعا يارب

كل يوم بنشوف خبر زي ده
ومش حنقول اصله كبير وسنه ....

بس للاسف بلاقي اغلبنا مش بيتعظ واولهم انا ممكن موقف ياثر فينا يوم اتنين شهر شهرين

لكن بعدها بنرجع زي الاول

هو السبب ايه ؟ ضعف ايمان ؟؟ ولا ان الحياه بتاخدنا وبتلهينا عن الهدف الاساسي اللي عايشين عشانه

انا من الناس اللي كل منوي اعمل حاجه بسبب موقف حصل حواليا بلتزم شهر اتنين وبعدها بنسى تماما

بحس وقتها ان الموت هو الحقيقه الوحيده اللي في حياتنا

ومش بس مجرد ان ايمان بواقع لا اقتناع واحساس بان لازم حالي يتغير ولازم اركز في الحاجه الاساسيه اللي موجوده في الدنيا عشانها

وده بيستمر معايا لفترة صغيرة جدا تاثير موقف او صدمه خبر وبعدها بنسى تماما

هو السبب ايه في رايكم ؟؟؟




ربنا يحسن ختامنا يارب