[الفيلسـوف]

السلام عليكم

عذرا ع التاخير بدايه معانا النهارده



شخصيه عرفت بالاخلاق الطيبه واللمسه

الفنيه المتميزه

الروح الجميله مشاكسه احيانا
هدوئها هو سر تعاونها
بالذات معايا ف كل توقيع
سامحنى يارب

الجميل



الذى يحمل الكثير والكثير ومعانا ومعاكم

الهدوء النفسى الرائع ايمان طلعت



بما انك جيت النهارده ياايمان بكامل قوتك

العقليه

يبقى حنستغل

البرنامج حيكون ع تلات مراحل

المرحله الاولى والثانيه حيكونوا من

نصيبى

انا لا دخل للجمهور بهم

ولكن المرحله التالته حتكون اون لاين

حنسمح بطرح الاسئله علشان ماحد

يتهمنى انى انانى


مثلا عامل الواجب ادينى اهو معاكى




اشكرك محمود علي المقدمه الرقيقه منك كلك زوق

وطبعا انت عملت الواجب و زيادة
عداك العيب وقذح وشكلي هقذح وراه منك





بيانات البطاقه اسمك وسنك والحاله الجنائيه

ايمان طلعت
35 سنه
الحاله الجنائيه متزوجه





بدايتك ف الموقع ازاى والى اين

بدايتي كانت صدفه
كنت بدور على منتدى اشترك فيه
الى اين ...الله اعلم



سبب عدم دخولك قسم ادم وايه احساسك لما اتعمل ليكى محضر الضبط وتهديد اوع تتاخرى ع الضابط يووه قصدى ع محمود اكيد اترعبتى

لا مترعبتش انا جيت بمزاجي محدش جابني من قفايا يعني

الحقيقه مفكرتش قبل كدة اكتب مقالات فادم
والقسم مظهرش اصلا غير بعد مانت مسكته
هحاول اكتب فيه ان شاء الله


من هو الرجل من وجهه نظرك ومن هى

المراه


الرجل هو
الظهر والامان
القوة والاحتواء
القائد المسئول الغيور
دة الرجل الحق مش اشباه الرجال

المرآه
الحنان والحضن الامن
الحياء الصوت الهادي
ملاذ للرجل وبير اسراره
مكملة للرجل
هذه المرآه الواضحه



ماهى شروط الروح المتعاونه التى تجمع بين الرجل والمراه

عشان الرجل والمرآه يتعاونوا اهم شيء يجمعهم
التفاهم وكل طرف يقدر ظروف الاخر
وكلاً منهم يعلم جيداً ما له وما عليه



ماهى مسئوليات الرجل والمراه من وجهه نظرك

مسئوليه الرجل
العمل والاهتمام والاحتواء لاهل بيته
مسئولية المرآه
رعايه البيت بمن فيه واحتوائهم
فالمسئوليه هنا مشتركه بينهم ويجب ان يكملوا بعضهم البعض
فلا يلقي كل منهم المسئوليه على عاتق الاخر
فالحياه مشاركه



اهميه الوقت بالنسبه ليكى ياايمان ايه

الوقت كالسيف ان لم تقطعه قطعك
فلو نظمنا نفسنا وكل حاجه بوقتها هنستفيد بيه
وانا بحاول انظم يومي عشان ادي كل حاجه حقها


هدف نفسك توصلى ليه

هدفي الان في اولادي انهم يكونوا حاجه كويسه



ف مقوله بتقول ان النساء اكثر عاطفية واجتماعية وهذا يجعلها اكثر تعامل ف تربيه الاطفال بالنسبه للرجل

هي النساء فعلا اكثر عاطفيه لكن هذا ليس السبب
طبيعي ان النساء هم اللي يتعاملوا مع الاطفال و في تربيتهم
لان اغلب وقت الزوج في عمله ولا يسطتيع ان يتعامل معهم خاصاً ان كانوا صغار
فهو ليس مؤهل اطلاقا للتعامل معهم وتلبيه طلباتهم
وفي الاخر الام ام بردو الحنيه والعطاء



تعتبر النساء غير جازمات وضعيفه القيادة وهذا مايحرمهن من المناصب الاداريه المتكررة

النساء بطبعهم عاطفيات لكنهم مش ضعفاء
و يقدروا يتخذوا قرارات بحكمة
فاللي يؤهل للمناصب القدرة والنجاح فالعمل
وليس امرآة كانت ام ذكر



عيوب لاتصلح ان تكون ف المراه

اكثر ما يعيب المرآه هو عدم الحياء
فالحياء هو تاج المرآه و زينه خلقها

الصوت العالي –التحدث في اسرار منزلها



رويه ايمان بالنسبه لعمل المراه ايهما اصلح واقيم لها

طبيعي ان اكون في صف المرآه ان تعمل
لكن الاصلح لها واقيم الجلوس في منزلها واهتمامها باطفالها و زوجها
فعمل المرآه يؤثر علي منزلها تأثيراً سلبياً




بالنسبه لدورك كاام ومسئوله ماهى القوانين التى تضعيها لكى يمر يومك بسلام


ازاي ام وعايز يمر يومي بسلام دة اكيد مستحيل
الحقيقه انا مش واضعه قوانين لان كل يوم بيختلف عن اللي قبله من حيث مشاكل الولاد واحتياجتهم
وكل سن وليه مشاكل واحتياجات مختلفه
فمش هينفع نحط قوانين ونمشي عليها يومياً




سوال لولوبى شايفه نفسك ام مسيطره يعنى مثلا تقولى اسكتوا يعنى ادب ويسكتوا ده بالنسبه الى الاولاد

اسكتوا يعني ادب
دة كان في الافلام العربي القديمه ههههههه
ده هما اللي بيعلمونا الادب
الولاد دلوقتي يختلفوا كتير عن زمان
مينفعش التعامل معاهم بقوانين ولا السيطرة عليهم
التعامل دلوقتي محتاج ليونه وتفاهم اكتر من الصرامه



حاجة الطفل الى الحنان اكثر من حاجته للغذاء احيانا
بالنسبه لكى بتعملى ده ازاى


الحنان في التعامل طبعا شيء اساسي لان مهما غلطوا فدول حته مني
فيه حزم اه بس الحقيقه الحنيه تطغي
وهما بيعرفوا يستغلوا دة كويس لمصلحتهم الصراحه




هل مع مقوله يجب ع المراه الفصل ف كونها كاام
وزوجه



معاها اكيد
لان معظم الامهات بينسوا واجبهم كزوجه وسط مشاكل الولاد والاعمال المنزليه
فيجب عليها الفصل جزئيا وليس كليا و الاهتمام بنفسها و زوجها



نصيحتك لكل فتاه مقبله ع الزواج

هقولها يا بنت الحلال ارجعي قبل فوات الاوان

بجد بقى
قبل ما تفكري ان الزواج حياه مستقله بعيده عن تحكمات الاهل
وتفتكري انك هتبقي فري والحياه بقى لونها بمبي وكدة

اعرفي ازاي تتحملي مسئوليه بيت و زوج واولاد بعد كدة
لانها مسئوليه مش سهله بتاتاً



ايه اكتر شى ممكن يستفز ايمان

الحكم على الشخص دون معرفته
الحقيقه بتستفزني جدا ازاي تحكم على حد من غير ما تعرفه او تحكم عليه ب تحليل في دماغك انت وبس




ايمان شخصيه متطوره باحثه ام انها تمشى مع الحياه وربك يرزق هههههه


انا احب اتعلم ولو حاجه جت فدماغي لازم بتعلمها
دة ميمنعش اني بردو سايبه الحياه تمشي وربك يرزق




اشياء تامل ايمان ف تحقيقها ع مجرى الحياه

بالنسبه ليا مفيش حاجه شخصيه
زي ما قولتلك فوق اللي بحلم بيه ان ولادي يبقوا حاجه كويسه ..بس



وكفايا عليكى كده يابتى انا اهم حاجه عندى انك

تحس انى محاور خفيف :158

اه الحقيقه خفيف اوي بامارة ان لسه فيه مرحلتين



واوع تغير المحطه مع ايمان انتظرونى ف الجزء الثانى