[حازم34]

اقتباس المشاركة الأصلية كتبت بواسطة جبل عالي السلام عليكم ورحمة الله وبركاته عايزة أقولكم إني بآجي القسم كتير وأفتح تاب عشان اكتب موضوع أفضفض فيه زيكم كده ............ بس اللي بيحصل اني بقف وأبلم وألاقيني نسيت الكلام يكون إزاي طب أبدأ وأقول إيه ؟ طب أشرح اللي جوايا إزاي ؟؟ طب ليه ؟؟ فين ؟؟ مين ؟؟ صدقوني مش بأبالغ في ناس هتقول ... إزاي وإنتي بتعرفي تكتبي ومعرفش إيه و و و و ده صحيح بحب اللغة وبعرف أكتب وأألف كلام حلو وكل حاجة وأعبر عن أحاسيس سواء حلوة او مش حلوة ده صح لكن لما الكلام يكون عن فضفضة .... والفضفضة معناها واسع جداااا (فضفضة) لُغوياً .... إتساع بالفعل .. أو الحديث بإستفاضة وتوسع عن نفسي بقسم الكلمة لقسمين (فض) (فضا) الكلمة االأولى (فض) ... بمعنى أفرغ ما لديه كلياً بحيث لم يتبقى شيء لم يتحدث عنه الكلمة الثانيه(فضا) .... بمعنى أن ماقاله وأفضى به يجب أن يذهب بالفضاء ولا يستعمل ضده أو لأذيته أو لإستغلاله فمن المعروف دائماً أن مايُحزن الإنسان هو ضعفه وهوانه على الناس وحين يلجأ للفضفضة يجب أن يشعر بالأمان بعدها وليس بالضعف أكثر في كتير ناس بتعاني أكثر وتُدمر بعد ما تفضفض ... لمجرد إن ناس أصبحت تستمتع بسماع مآسي ومتاعب غيرها لأجل تعرف نقط ضعفها وتستغلها معنوياً ونفسياً وأحيانا مادياً كمان ... تُرى هل لازالت الفضفضة تساعد الإنسان ليتجاوز فترات ضعفه ؟؟ أم أنها أصبحت مواطن ضعف قوية تجعله فريسة سهلة جداً للإقتناص؟؟ مش شرط حد يقول ننقي الناس اللي نفضفض لها .... ولا شرط إنك تعمل شخصية وهميه عشان محدش يعرفك وتفضفض لأن في الحالتين هتبقا فريسة سهلة جدااا (مجرد فضفضة) هي مجرد فضفضة لاأكثر وغير مقصود بها أي فرد نهائي

موضوع جميل والله عن الفض -- فضا

يسلموا يارب علي ها الاسلوب الجميل في الكتابه والتعبير والافاده

يسلموا