[phalsteen]

مساء الخير وحشني البرامج في القسم دا جدا الفكرة ببساطه : قبل ما بنقرر ندردش ونرغي مع اصحابنا واخواتنا بتسبقنا جمله نعمل اتنين شاي ونحكي من هنا جه الحوار واول الحلقات حبيت تكون مع شخصية معروفه ببساطتها وحب الجميع ليها هدوئها باختصار سر تميزها اكيد مش لوحدي اللي حابه ارغي معاها تعالوا احسن نشرب الشاي مع الجميله : روني اطياف الماضي مراقبة الاقسام العامه مساء الخير يا قلبي سكرك ايه بئه مع انك السكر كله تسلمي حبيبتي انتِ اللي عسل انا سكري معلقة واحدة بس تقريبا بشرب الشاي كد من اكتر من 5 سنين البراجرم جاي من فكرة الفضفضه البسيطه اغلبنا بيحكي دايما مع الشاي اغلب كلام الصحاب قبل الدردشه بيكون نعمل اتنين شاي ونحكي اوكى نحكي مفهاش حاجة وعلى فكرة انا رغاية ^_^ ايه بئه سر اسم روني انا عرفت انه مش اسمك ؟ ياتري ايه سرحبك للاسم ؟ ده بقى هيكون اسم بنوتي ان شاء الله روان دي امنيتي التانية بعد تحقيق الاولى ومعايا احمد يعني انا ام احمد ^_^ اطياف الماضي دايما بحسك شخصية تميل اكتر للواقعيه انتي مش معايا اننا احيانا بنهرب من الواقع بحبه خيال ؟ وممكن يعني يكون الخيال متنفس اكبر لحياتنا ؟ انا لما بهرب للخيال بيصدمني اوي الواقع عشان كد انا واقعية ومكنتش واخدة بالي انها حاجة ظاهرة اوي كده الواقع مهما كان صعب بعيشه وبهيأ عقلي عليه افضل ما اعيش احلام واوهام وفي الآخر اتصدم بالواقع ويكون الامر مؤلم وعلى فكرة انا جربت اعيش الخيال ورغم انه بيسعدني الا اني افضل الواقع ازاي اخترتي شريك حياتك ؟ يعني ياتري بتفضلي الارتباط عن حب ولا التعارف من جهه الاهل اضمن ؟ عن حب طبعاً عايزة اقولك انا زوجي اللي اختارني وانا كمان اللي اختارته ما بينه وبين صاحبه لانه كمان كان عايز يتقدملي ولولا انهم اصدقاء طفولة كانوا افترقوا بسببي انا كمان قلت كلمتي بسرعة الحب الناجح بالعقل ولا القلب يا روني ؟ بفضل العقل بس مش في كل الاوقات الاختيار عن طريق القلب بيهون علينا صعاب كتيرة بنقابلها ايه اكتر شئ خايفه تقابليه في حياتك ؟ اه يا سما الفشل ثم الفشل ثم الفشل وياتري ايه مفهومك عن الفشل ؟ ونسبة وجوده في حياتك اللي فاتت ؟ مفهومي عن الفشل اني مقدرش احقق احلامي او اني اسلك طريق خطأ يؤدي لفشلي او اني مكنش على قدر مسئوليتي كتير اوي يا سارة اول حاجة اني مكنتش محددة هدف في حياتي وبالتالي دخلت كلية الآداب ومكنش الموضوع فارق كتير بفكر لو رجع بيا الزمن كنت غيرت دراستي نهائي كنت فكرت اني ادرس حاجة مهمة اتعلمتي ايه من مامتك حابه تعلميه لاولادك ان شاء الله ؟ امي اطيب ست في العالم ودي اهم حاجة اتعلمتها منها حب الناس وايثارهم عن النفس الأمانة ودي اكتر ميزة نتميز بها كعيلة في طفولتك اتمنيتي حلم معين ولما كبرتي ضحكتي عليه وعلي قله اهميته مثلا ؟ هههههههه اه فاكرة في فيلم لـ سماح انور طالعة فيه صحفية انا كنت اشوف الفيلم ده واتجنن انا لازم اكون صحفية كنت بحب حياة المغامرة اكتب مقال ساخن كده واتخطف بئا وانا بذكائي اهرب من العصابة شغل افلام طبعاً هههههههههه بس مش افلام اوي يعني انا فعلاً كان نفسي ادخل اعلام قسم صحافة بس مقدرتش احقق ده لاني معملتش لكده اوصفيلي طفولتك زي ما انتي شايفاها ؟ متشردة يا سارة هههههههههه انتٍ عارفة يا سارة انا ترتيبي الكام بين اخواتي رقم 7 وانا رقم 6 في البنات تخيلي البنت السادسة يعني تخيلي حبهم ليا ههههههههه والله يا سما احنا اسرة مستورة بابا الله يرحمه كان بيعمل في مصلحة السجون يعني عسكري جداً بس طيب جداً عمره ما ضربني بصراحة ماما هي المسؤولة عن ضربي بس هههه الحمد لله انا كنت مرتاحة لان اخواتي البنات كانوا قايمين بالواجب مكنتش بعمل اي حاجة غير اني البس واهتم بشعري واخرج وكده بس كانت ماما صاحبتي يعني بحكيلها على اي حاجة بس الغريب يا سارة اني كنت بتعامل كواحدة مسئولة اكتر من اختي الاكبر وحالياً انا الكبيرة بتاعتهم حتى ماما مش بتعمل حاجة غير لما تقولي وانا كمان اعملهالها عقل يا سما عقل هههههههههههه نظرتك للحياه اتغيرت بعد الامومه ؟ ايه اكتر شئ تتمني تزرعيه في طفله مع بدايه حياته ؟ اتغيرت كتير يا سارة اول شيء حالة من الضيق والقلق بسبب المسئولية مع الايام انتهت الحمد لله حياتي اتغيرت يعني مبقاش في حرية زي الاول خروج مش بمزاجي حسب حالة الجو عشانه وقتي كله عشانه واهتمامي كله عشانه اهم شيء احب اني ازرعه في ابني الصدق والامانة جنس حوا حاليا مصاب بهوس الرجيم النظام بالنسبالك اسلوب حياة ولا قرار في اوقات معينه ؟ هو المفروض يكون اسلوب حياة بس اوقات كتير بضعف خاصاً لما يكون العشا او الغدا في مطعم مش عايزة اقولك بخلص على الاطباق طبعاً وعلى رأي المثل خسارة بطني ولا خسارة حاجتي هي اه مش حاجتي بس دافعين فيها فلوس هههه حالياً انا مشتركة في صالة جيم وبعمل رجبم للتخسيس بعد الولادة وكمان للياقة اه بعك شوية بس مش اوي يعني عامتاً انا بحب الرياضة والمشي وكمان الاكل هههههه كنت سمعت مرة جمله عجبتني من واحدة قالت ان الرجيم اسلوب مفروض نتبعه مش بس في الاكل انتي ايه رأيك ؟ وايه تاني مفروض يكون في حياتنا محتاج رجيم ؟ انا بتفق معاه جداً الحياة الصحية بتحسن النفسية انا مزاجي بيكون حلو وانا بعمل رجيم وبلعب في الجيم محتاجين نقرب من ربنا جداً لأننا محتاجين ربنا يكون جنبنا في الحياة ومحتاجين نعمل رجيم للمعاصي انتي من متابعين الفضفضه بانتظام وكمان ايام اشرافي للقسم كنت بتابع موضوعات مميزة دا لقلمك ايه رأيك في فكرة الفضفضه عموما ؟ قلمك هو اول حد بيشاركك انفعالاتك ولا في حد معين ؟ فعلاً قلمي هو اول من يشارك انفعالاتي بس قسم الفضفضة بحس اني بكون فيه ضعيفة لأني بفضفض بشيء يخصني ولو كتبت حاجة بعيدة عني الكل بيطبقها على شخصي وحتى ان كتبت ان الموضوع لا يخصني في اللي بيصدق وفي اللي مش بيصدق عشان كده بريح دماغي من اي وجع دماغ بس بعدي عن الفضفضة وكمان الابدعات لو حد خد باله من كده انا ابتعدت كـ فترة راحة افتقد فيها نفسي في قمة انشغالي ولكني اريد العودة وابحث حالياً كبف اعود مفيش احلي من ان جوزك يكون صاحبك لي مدي متوافرة الصداقه بينك وبين جوزك روني ؟ وقبل الصداقة في التفاهم سارة الحمد لله انا وزوجي يجمع بيننا صداقة حلوة وياتري قابلتي اختلاف او تغيير في الحياه قبل وبعد الجواز لان دا بنسبة كبيرة بتحصل من طرف بتسبب مشاكل للطرف التاني ؟ بخلاف البيت والأكل والغسيل وترتيب البيت وابني مفيش حاجة اتغيرت يعني مشاعرنا واقفة على ارض صلبة ممكن تكون في بعض الاشياء البسيطة التي تعكر صفو الحياة احياناً لكن الاساس موجود وهو الحب ايه الحلم اللي اتمنتيه في شريك حياتك وانتي عارفه انه مستحيل ؟ الهدوء والحلم يا سارة يعني يتعصب على الدنيا كلا وبلاش انا والنبي عشان الموضوع ده بيسبب لي احراج وضيق في النفس انا بعد ما ربنا رزقني بمحمد عرفت ليه العلاقه بين مرات الابن والحما بتكون مضطربه شايفه نفسك هتكوني حما مفتريه ولا هضميها كبنت ليكي ؟ بطبعي انا مش مفترية مش معقول هفتري عليها ممكن اعملها في حالة واحدة لو تعبت ابني وقتها ممكن ارميها من فوق بس طيبة انا عارفة هههههههههه ذكرياتك تقدري توصفيلي نكهتها حاليا ؟ بطعم السكر احياناً وبطعم المر احياناً لو طلبت منك دعوة لحد معين تحبي تعزميه علي اتنين شاي هيكون مين ؟ جنون قلب " اسلام " وياتري ايه نكهه فنجانه اللي هتعمليه ؟ فنجان شاي بالقرنفل وايه نص الرساله ؟ لا تجعل الفتاة هي صاحبة القرار في الارتباط ولكن اجعلها تتمنى ان تبادلها نفس المشاعر استمتعت جدا بوجودي معاكي وحوارنا يمكن كلامنا مع بعض بسيط بس انتي من افضل الشخصيات هنا وكمان اتعرفنا علي انسانه محبوبه سلامي لاحمد بئه تسلمي يا سارة انا كمان سعدت بيكِ وميرسي على فنجان الشاي وبيسعدني اني اعرف اني محبوبة من البعض دمتِ بسعادة لا تفارقك سارة وسلامي لـ محمد بكدة خلصت حلقتنا اتمني يكون البرنامج عجبكم قريبا الحلقه التانية انتظرونا