 علي الناصيه اتنين
تحيه طيبه من القلب الي الجميع
علي الناصيه واقفين ثلاث شباب علي وحسن وحسانين
واقفين وجالسين علي طول مهمومين فيكم ايه يا شباب
فينا كتير والهم مزروع فينا ومخلينا دايما هنا واقفين
قصتنا زي كل الشباب الخريجين لافي عمل ولا فرصه عمل
الا اذا كنت ابن مسؤل او لك في الرشوه العاليه زين
تخرجنا بتقدير عالي وكنا في دراستنا ناجين اطباء ومهندسين وكمان مدرسين وتجاره
وفن واداب يا عين وانا خريج اقتصاد وعلوم سياسيه وامتياز وحياتك وجالس لي سنتين
وابن ال هو متعين قبل ما يتخرج والمكان معروف وفين هيا البلد كدا وطيب الحل في نظركم ايه
الحل معروف نحارب الفساد والكل يسعي ويشوف والكبار في السن ال عدوا السبعين ملايين
ليه ما يتركوا الفرصه للجاين شباب ورد وزي الفل ويسد في اي مكان وانت عارف الشاب المصري زين
انت عارف ابن فكرات ال ابوه سواق عند البشوات دلوقتي في الخارجيه والواسطه يا عينيا
واحنا هنا واقفين طالما الحال زي ما انت شايف وبنقول ونحكي وندعوا ربنا يسهل لنا بهجره
ولا جنسيه زي ابن خالتي سعديه ال راح بقاله سنوات راكب احدث سياره واجوز بنت البشوات
وعامل عماره في جاردن والكل بيقوله سلامات
ربنا يوفقكم يا شباب وتحاربوا الفساد ويتعدل الحال وتكونوا يارب بشوات 
|