[War ROFL]

السلام عليكم انت عندك كام سنه ؟؟؟ سؤآل عادي جدا لكنه مش عادي مؤخرا علي الفيس عملت متابعه لبروفايل عجبني جدا طرحه و مواضيعه الي بيشيرها او بيكتبها (ودا نادرا اما اعمله لحد ) و اكون مهتم اعرف بيكتب ايه شويه مع المتابعه لقيت انه لسه طالب في ثانوي فكرت شويه ,, ياه انا كنت مفكره قدي في العمر او كمان اكبر شويه اذا في المواضيع الي هوا بيطرحها عمره اصبح اكبر من عمري !!! رغم انه اقل بعدد السنين جربت تحسبها كدا ؟؟ تعرف انت عندك كام سنه بعمرك الحقيقي المعرفي او بعطائك مش بس بعدد الايام الي مر عليك اليوم 24 ساعه عند الناس كلها بس ياتري انت بتستفيد بيه زي ما غيرك بيستفيد بيه ؟؟ اكيد في تفاوت طيب العيب في مين ؟؟ ماهما نفس عدد الساعات عندك وعند غيرك انا سؤآلي بس ماذا لو اقتصدنا كل يوم نصف ساعه بس من الي بيضيعوا ف مواصلات او علي النت او في انتظار و قرأنا فيهم قرآن او كتاب بمختلف انواع و مواضيع الكتب او لو مبتحبش تقرأ ممكن تسمع كتب مقروأه او تشوف محاضرات للشيء الي بتحبه ممكن في خلال شهر واحد بس يبقي زدت في عمرك قد ايه ؟ عارف لو كل واحد فينا اخد من يومه نصف ساعه ينتج فيها حاجه ممكن ك أمه او ك بلد ايه يتغير ؟؟ انا تمني كل الي يشارك يفكر ف الموضوع دا و ياخد قرار ويكتبه هنا يشوف في يومه المعتاد في وقت معين بيضيع ع الفاضي في كذا هيغير و يستفيد بيه في كذا ايا كان الوقت دا وهسأل كل واحد قرر ايه واي مساعده في ادوات تنظيم الوقت الالكترونيه او ال app علي الاندرويد او مخططاتها انا تحت امركم