منذ /02-12-2016, 05:55 AM
|
#1 |
مشرف الابداعات الادبية سابقا
| مين يستاهل؟ كم مرة جاملت فيها صاحبك وكدبت عشانه فى موقف؟
كم مرة كدبت عشان تطلع نفسك من موقف محرج؟
كم مرة انحزت لأخوك أو قريبك ووقفت معاه وأنت عارف
إنه مش على حق؟
تعالوا نشوف ربنا بيقول ايه عن المواقف دى:
" يأيها الذين أمنوا كونوا قوامين بالقسط شهداء لله ولو على أنفسكم أو الوالدين والأقربين.
إن يكن غنياً أو فقيرا فالله أولى بهما فلا تتبعوا الهوى
أن تعدلوا. وإن تلووا أو تعرضوا فإن الله كان بما تعملون خبيرا"
وقال فى أيه تانيه:
" وإذا قلتم فاعدلوا ولو كان ذا قربى"
يعنى كون الشخص ده صاحبك أو قريبك أو حتى أبوك أو أمك
ده مش امتياز يحصل بيه على حاجه مش حقه.
مفيش حد يستاهل انك تكدب أو تشهد زور عشانه حتى لو نفسك
أنا مش بقول كلام مثالى لمجرد القراءة وإظهار المثالية
ده واقع لازم نعيشه, ممكن يكون صعب علينا اننا ننفذه دايما
لكن لازم نتعود عليه ونربى الأجيال الجايه عليه
تقول الحق وتحكم بالعدل ولو على نفسك.
كمان صورة من صور كتم الحق عشان القرابة:
لما يكون واحد شغال فى شركة أو غيره ويجيب قريبه
يشغله رغم ان فيه ناس تانيه أولى منه.
احنا كلنا هنتسأل عن كل شهادة شهدناها
وصدقا مفيش حد يستاهل انك تكدب وتظلم عشانه حتى لو نفسك.
ما رأيكم دام فضلكم؟
|
| |