[Words Whisper]

اقتباس المشاركة الأصلية كتبت بواسطة єЛ- мiлshαwi بتحفظ بس على كلام د / آسماء لآن آحنا مش شعب عبيط ؟! آحنا لو شعب عبيط مكنش جاب دكاترة ^^ ومكنش جاب علماء ومكنش جاب روائيين وشعراء وآدباء؟ آحنا لو شعب عبيط يادكتورة ف هنبقة عُبط ف نظر آي حد بيشوفنا بآستهتار ؟ :: :: وزي ما في ف كلامك الصح فيه الغلط؟ ومش دفاعاً عن حكومة لآني الآيام دي واخد آتجاه تاني خالص بفكري ضد المنظومة كلها بس آحب آنوه حضرتك ..آن الدكاترة اللي عايشيين ف مناخ مش كويس 60% منهم كلهم فساد وبيتجارو بلحم الناس وعايشيين من عرق الغلابة اللي بيسلبوه وبيسرقوه ؟؟ :: :: آحب آقول لحضرتك برضه آن السادة الدكاترة معظمهم بيدوسو ع الغلبان ف المستشفيات الحكومية وبيعاملوه كآنه حيوان وفي دلائل وبراهين وحالاات ممكن آطلعها لحضرتك بتقول آن الدكاترة معظمهم سفاحين وناس مفيش جواها ذرة رحمة ولا تقوة بآيمان ربنا وزي ما في دكاترة فاسدة ومش محترمة فيه دكاترة محترمة بس قليلة آنا مكنتش هعلق تانى ع الموضوع . :: :: .بس آهانتك للشعب كله بتهني كا مواطن مصري وآنا بتحفظ علي هذا اللفظ ..وآربئ بيكِ منه ..لآنك علي قدر عالي من الآدب والثقافة ..وميلقش بيكي آن يخونك تعبيرك لحظة غضب ضد آي موقف بتمني تعيدي نظر ف اللفظ والآهانه ^^ المنشاوي !

أنا مش هعلق على المتعلق بالأطباء
وأكيد كل مكان وقطاع وبلد فيه فساد
بس نفس الأطباء دول
هما الأطباء الأفضل اللي بتطلبهم الدول العربية الأخرى وبيشتغلوا فيها
والمرضى هناك بيثقوا فيهم
والفرق هو بيئة العمل مش أكتر ..


بالنسبة لكلمة عبيط
فـ لا ، مش شايفه انها غير عادلة
وعامة يعني معناها ان سهل يضحك عليه
ودي حقيقة
الشعب المصري سهل جدااا يتأثر بأي حاجه ويضحك عليه
الدكاترة يضربوا ويطلعوا مظاهرة فالإعلام يطلع ملف الفساد الطبي
وفجأة يبآ الناس ضد الأطباء وشايفين ان مش لهم حق !!
سيادة الريس يسجن الشباب ويهدر مال الدولة
وبكلمتين في خطاب يبآ حبيب الشعب وأهو بيحاول !!
يبآ البلد زاد فيها الفقر و الأسعار وبترجع لورا
ويطلع show لطيف على القنوات ويشغلونا بيه عادي !!
نطلع نخلع رئيس فينزل دمعتين
نقوم نسمع ياحرام سيبوا الراجل دا سنه كبير !!
واحدة تستغيث بالسيسي - تمثل - وللصدفة البحتة الحرس الرئاسي سابها تقرب كل دا
وسيادة الريس يطلع يرد بكلمتين حنينين فنتعاطف !!
دا احنا انتخبنا رئيس على أساس لطافته !!
كل دا ومش شعب عبيط ؟!!
وتاني عبيط معناها سهل يضحك عليه ودي حقيقة
بلاش نجمل في نفسنا عشان نعرف نحل مشاكلنا
لأن هي دي مشكلتنا اللي جايبانا ورا والحكومة بتلعب عليها ..




شكراً لحضرتك ..