يابنتى احرقى الطبيخ تكسبى اهلا بيكم ياحبايب مصر
قصدى يابنات مصر
يوووه قصدى ياكل المنتدى
وحشتونى أوى أكتر مماتتخيلو
ووحشنى القسم ده أوى
لى زمان مامرتش عليه
وهو كان قسمى المفضل
بس كان ساعتها الواحد مزاجه رايق
وماكنش فيه معكرات ومحبطات وممغصات
الله يخرب بيت الحب واللى خلفوا الحب واللى يعرفوه
ماعلينا
اناصراحة جيت هنا علشان شوفت وصية أم لبنتها
عجبتنى أوى وحبيت أوصلها لكل البنات اللى متجوزين قريب
واللى على وش زواج
ربنايزوجهم كلهم علشان نخلص منهم قولوا آمين
الهم سمعت الام بتقول لبنتهاايه
اوى مرة جوزك يقولك أطبخيلى وتروحى تطبخى
قالت يعنى إيه ياماما قالت يعنى
تقولى معرفش ياحبيبى ولاتقولى مكسلة ولااى حجة
قالت والله فكرة حلوة ياماما دا أنا بنتك شاطرة ولهلوبة زيك
عندى حجج كتيرة اوى
بس ليه ياماما اعمل كده
قالت الام يابنت علشان تكسبى صحتك ويبقى عندك وقت ترغى معايا
وكمان تعرفى تتفرجى على مهند ورميو وجولييت
الخلاصة البنت سمعت كلام مامتها
جوزها خسر روحه واشترى لحمة وخضار
يلاياحبيبتى عاوز أدوق صنع أيدك واشم نفسك
فى الطبيخ قالت أمممم كويس ياحبيبى هعملك اكل تاكل
صوابعك وكمان صوابع امك وراه
راحت عملت بوصية امها وفحمت اللحمة بقيت سواد فى سواد
وحضرت العشا جوزهاشاف حاجة مفحمة وسودة
ايه ده ياحبى قالت بس دوق
قال لايمكن ده يتاكل انت عملت ايه
قالت صراحة ياحبيبى وانابجهز الاكل اشتقتلك خدنى الشوق بعيد
سافرت بلاد الغرام على بال مارجعت
لقيت الاكل بالشكل ده
اتغاظ منها وقال سافرت بلاد الغرام
طيب عليا الطلاق بالتلاتة لأنت مسافرة هناك
مارجعالى تانى ليوم القيامة
أنت طالق يامدام بالتلاتة وخليك ساكنة بلاد الغرام
ايه رأيكم فى نصيحة الست مامتها
تحياتى
رفعت
|