[شاعرة الرومانسيه]

يوميات زوجه مفروسه 3 ( ماشيه مع جوزى ) الحلقه دى بجد حصلت معى انا وصديقتى انسحبت من لسانى وبسألها عن احوالها وجوزها واولادها كالعاده قالت الكل بخير ماعدا انا - قلت لها ليه مالك احكيلى فضفضى ودى ماصدقت واتفتحت - جوزى ياحبيبتى الناس خيبتها السبت والاحد وخيبة صحبتك ما وردت على احد بصراحة اتخضيت وقلت لها ليه يابنتى احكى مالك قالت 24 ساعه رامى الحمل عليه لا بيسأل فيه ولا فى العيال يجيى من شغله يتغدى وينام وطول الليل على الفيس اقوله بتعمل ايه يقولى عندى شغل للشركه بخلصه اعملى قهوه وروحى نامى اجى اقوله العيال عايزه يقولى الفلوس عندك عايزين طلبات الفلوس عندك طيب عايزاك يقولى روحى اتخمدى هههه زهقت وتعبت مش عارفه اعمل معاه ايه قلت لها اقولك تعملى ايه طبعا دى صحبتى وميهنش عليه اسيبها مخنوقه قلت لها ليه ما بتقعدى على النت وادخلى جروبات او تعالى اسجل لكى بالمنتدى عندنا حتى تنكدى على الناس الى فيه هههههههه والماجيك يحظرنى انا وانتى جوزها قال لها الجهاز مش فاضى طول الوقت بشتغل عليه قلت لها هاجيب لكى تابلت وانزل لكى البرامج عليه والفيس واعملك اكونت عليه حتى تخرجى من الملل ده جات لى فكره قلت لها انتى متأكده ان جوزك بيشتغل على الجهاز ولا بيشتغل البنات قالت لا عيب عليكى ياحنون جوزى عمره مايعمل كدا قلت لها طيب ياختى ربنا يكملك بعقلك المهم عملت لها اكونت بنيم جميل وصورة بنوته تركيه بقاااااا وقلت لها ابعتى اضافه لبعلك وكلميه ههههههه والى مايجى طيبه يجيى غصيبه هههه انا بصراحه كنت ناويه خير والله جوزها قبل الاضافه وابتدى ابتدى المشوار على رأى حليم ههه التعارف بقى الى كلكم عارفينه قالت له انت متجوز قال لها لاء لسه بدور عندك عروسه حلوه وشيك ودلوعه كدا البت سمعت الكلام ده وعفاريت الدنيا حضرت عليها رنت التليفون عليه الحقينى ياحنون - صراحه اتخضيت قلت لها انا هاقطع الخلف بسببك من قبل ما اخلف هههه مالك يابنتى قلت الحوار كله كانت بتحكى وهى حزينه طيب ليه حرمنى من كلمه حلوه وبيحكى كدا لواحده غريبه عارفه رغم انى فرحانه بكلامه رغم انى حزينه لانه طلع خاين وغدار صراحه عجبنى قوى وقلت دبور وزن على خراب عشه قلت لها لاعبيه وخليه يقع فى حبك واعيشى بقى قالت انا بسمع كلام عمره ما قاله ليه لا وانا مخطوبه ولا وانا متجوزه هاتشوفى هاعمل فيه ايه ا انتظرونى وشوفو نهاية الزوج المراهق فى الحلقه الجايه انا ولا هــــــــــــــــــو شاعرة الرومانسيه