أنا فى الحب صياد
أنا واد حبيب
وأنا فى الحب صياد
أنا لكل البنات قريب
وأنا أجرى وراهم كل البلاد
انا ياما حكيت ليهم وكتبت اشعار
وأنا ياما اتغزلت وعندى دواوين كموج البحار
أنا كل يوم أقول لوحدة أنا ليك حبيب
وأحلف لها مليون يمين
لا قبلك ولابعدك غيرك حبيب
أنا ورب الكون حبيتك وأنت لى الطبيب
طبيب يشفى جروحى ويزيل عنى السهاد
وكتير عندى أعرف من الخداع ملايين
وايه يعنى لما كل يوم أحب وحدة تانية
مايهمنيش أكدب عليهم
وأزغلل عنيهم
ولو أغير حب فى كل ثانية
بجد الحكاية جميلة ومسلية
ولا تقولى خاف ربنا ياعم
الحب تجارة
ووارد المكسب والخسارة
بس كل يوم أحب تانى
وأنسى الحب الأولانى
حب ايه
قصدى التسالى
وليه أتعب روحى وابالى
خلينى كده خالى
وبكرة أحب تانى
÷÷÷÷÷÷÷÷÷÷÷÷÷
شخابيط
وخزعبلات
وعلى شاكلة المخادعون
وهم يتخيلون انهم فالحون
رفعت
فى التوة واللحظة
2016/7/29
|