[SiLver Spectra]

السرد رائع كالعادة

الكلام منطقي...

عبرت من خلاله على الكلام إلي كنت هقوله..

إلي هي نظرة التحول (موبيل - دش - إنترنت)

اقتباس:

اقتباس اشفق على هذا الجيل والذى انا واحد منه

المشكلة إن إحنا بنخوف نفسنا بزيادة!!

لو أنا سألت :

هل الأجيال السابقة كانت أفضل حالا؟

بكل صراحه كانوا عايشين في قاع الجهل

بس خلينا نتفرج عليهم بدون حنين للماضي

هتلاقي الجهل و الإنغلاق أو أهم سمة

طيب و حاليا...

صورة الجهل إتغيرت

الجهل دلوقتي مش بعدم القدرة على القراءة

الجهل أنا شايفه حاليا بعدم القدرة على التفكير....إنسان بدون رأي و هوية

دي إلي نقدر نسميها ضريبة التكنولوجيا

حاليا إنت لو عزلنا منك الكمبيوتر و الدش و التلفزيون

و خليناك تعيش زي الأجيال زمان هتلاقي الحياة في منتهى الملل

لأن التكنولوجيا باقيت جزء من عاداتك

بتوع زمان كانوا يتفرجوا على القناة الأولى و التانيه بدون ما يملوا

إلي قبليهم كانوا بيستمتعوا بسماع المسلسل من الراديو

الأجيال إلي بعد كدا هتبقى التكنولوجيا إلي عندنا دلوقتي بالنسبالهم ملل



طبيعي إن الثوابت و الأخلاق و العادات و القيم بتتغير مع الزمن

زي ما اللهجه ما بتتغير

في متغيرات سلبية و في متغيرات إيجابية

مابين الإيجاب و السلب هتلاقي عادات جديده بتضاف للمجتمع

غلط إني أتعامل مع العادات دي بالرفض ...

المفروض بتقبلها و بتواكبها

لأن في الاصل عاداتك بيبقى فيها نسبة خطأ عالية

و أكيد أي واحد لو يسأل جده أو جدته هيعرف الأخطاء و البلاوي إلي كانوا بيقعوا فيها

فكوني ارفض الإنفتاح إلي هيعرفني خطأي فإنت هنا خلقت مشكلة تأخر

إلي إحنا وقعنا فيها

و بعدين إصطدام مفاجئ بالتطور

فتلاقي الناس متشقلبه!!

إلي ماشي على ايديه

و في إلي ماشي برجل مقطوعه!!



خير يا سيد

بس إنت خليك متفائل

بكرا نزرع الصحراء الغربية و نوكلك بطيخ في الشتا

و بعدين نجبلك بطيخ الصيف و تقول لأ أنا عايز بتاع الشتا

(جيل التقلبات بقى)
هههههههههههههههه

موضوع جميل يا c سيد

بالتوفيق