منذ /08-02-2016, 06:50 PM
|
#1 |
مشرف الابداعات الادبية سابقا
| علموني إني أكرهك..((شاعر العامية)) قالولـي قول عن حب مصـر سرحت فيها وف الألــم لقيت دموعي بتجري بحر عشان في حبــي مُتهــم الحب عندي معضلة سهلة وبسيطة ولينة مكتوب على خط الكفوف الحب عمره ما يبقى خوف مش كتر توهة وأسئلة وازاي أقول عن حبـــــــها وأنا اللي منها كل يوم مطرود وإن عشت فيها وعشتها وجودي ملوهشـي وجـود الحب حرّ في سكتي يطلـع نهـاره يطـلّ يعني آكل لقمتي من غير مهانة وذلّ وأما أقدّم شكوتـــي يمشي القانون ع الكلّ علمّوني إني أكرهك... لمّا قالو إن أنتي أمــي وشالو من حضني الدفـا لما زرعو الشوق ف دمي وطرحي كان هجـر وجفا علمّوني إني أكرهك... لما قالو الحـق بان.. والدنيا نـور ارفض كل الهوان..قوم يلا وثور وخرجت من سجني بنادي تحيا عـزّة بلادي لقتنــي مسجون ف القفص والسجن كان جوا الحرس رفعت صوتي وقلــت ليــــه؟ منعوا على صوتــي النفـــس علمونـي إنـي أكرهك......ولسه مش كارهك الحب صوتي وحرقتي.......وجعي على أهلـك أنا زعلان منــك قوي زعلك بيوجع بالقوي دي صرخة الخوف م السكوت أنا اللي نفسي عليكي أموت الشوق في كل دقيقة ليكي ياخدنـي ويصبرنـي بيكـي بشتاق وأحنّ لكل ركن وكل شارع مشتاق لصوت الفجر ينده ف الجوامع وأحلف بربي اللي حماكي وشقّ نيلك مهما يكون الظلـــم..رااااجع وارسم بكفّي فوق كفوفك حنّتك اسمي واسمك مرسومين يوم فرحتك وإن كنتي ناري ف دنيتي هقبل أناااا أعيش على نارك وأموت على جنتك يا قبلة الأفراح وأرض الطيبيــــــــــن يا سبحة الإسلام وشوق الملهوفيــــــــن شدّي العزايم واسمحي للفرح يرجع وافرحـــي واكتبي فوق البُساط اللي اتنسى أنا بحر علم وخيري داير من سنيــــــــــــــــن أنا بحر علم وخيري داير من سنيـــــــــــــن |
|
| |