[فارس العمارى]

	انه اليوم الذي ستقفين فية محتاااارة جدا بعد ان وقع خلاف بين شخصيتين هم الاقرب الى قلبك ايتها المراهقة انها صديقة عمرك التي احببتيها اكثر من اختك اما هذا الاخر فهو حبيبك الاول وتطمحين في ان يكون الاخير لكثر ما احببتة وعشقتيه وبــادلك الشعور في لحظة حاسمة تستوجب منك التضحية من ستختارين

سـارة موضوع جميل .. وعميق إلي حد كبير .. وفيه معانى بتواجهنا بصفة مستمرة فى حياتنا اليومية

مش هطيل النقاش فى الموضوع ولكني سأنثر بعض المعانى لعلها تكون هى الفائدة


من وجهة نظري ..


أولاً يختلف الموقف فأى موقف أدى الى التصادم ومن منهم الذى يثابر بالحق ... يعنى مين اللى على حق ومين اللى غلطان


ثانياً انا بلاحظ ان حياتنا أغلبيتها خسارة وكل همنا اننا نخسر حاجة كل يوم .. مبدأ .. صديق .. أخ .. وساعات كتير بنخسر نفسنا


ليه كل ما تواجهنا مشكلة لازم نخسر حاجات كتير .. ليه ميكنش هدفنا هنا فى موضوعك اننا نجاهد من أجل ربح كل الأطرف


الأختيار هنا شبه مستحيل .. ما بين الصديق والحبيب وحرام او نختار بينهم .. وخلى بالك لو أخترتي ببساطة حد منهم بالتأكيد مش هيكون فيه خير ليكي فى الطرف التانى


لأن ببساطة علاقة الصديق لا تقل عن حب الحبيب


ممكن يختلف النقاش والادلاء بالاراء لو كان زوج

لأت طاعة الزوج من طاعة الله ... ولكن ظل هنا هو الحبيب ودى يختلف كتير

ولكن من وجهة نظرى صعب تلاقي الاتنين تانى فى حياتك


انا مش مع خسارة حد منهم



لكن لو وجب الأختيار اختارى اللى على حق ... والغلطان منهم سبيه وبدون تردد فى اختيارك


لأن لو الحبيب محترمش صديق حياتك صعب انه يحترمك

ولو الصديق محترمش حبيبك صعب برضه يحترمك


شوفي مين اللى غلطان وقبل ما تختارى حاولى انك تصالحيهم وتوفقى بينهم


اولاً وأخيراً خسارة طرف منهم شىء صعب أوى ولا يعوض بسهولة


أسف للإطالة



محبتي / فارس العمارى