[همس الكناريا]

أنا الأديب الأدباتي
بعزف وازف أشعاري
واغزل علي نولي كلماتي
واعزف ع السيكا موالي
والعب في السيرك علي حبالي
وأعيش كل يوم علي هوايا
انا الأديب.....الأدباتي

/

كلامي أحلي من السكر
والشيكولاتة والعنبر
وموج البحر علي شطي
كلامي ورد ومتعطر
وياسمينة في بستاني
وتكعيبة علي بابي
أنا الأديب.....الأدباتي

/

أنا بمسح كل أحزاني
واعيش بفرحي مانا غاوي
وفي وسط الناس بلياتشوا
بيتنطط وبيتعفرط
وقلبه دايما مزقطط
يشرب بريل ويسترجل
ويقوي عضلاته ويظبط
ويفرد كل جنحاته
ويحمي أهله و أخوانه
أنا الأديب....الأدباتي

/

أنا من الناس السميعه
أحلي أغاني ومزيكا
أرقص وأغني وسمع أمريكا
أنا من الناس الفقرانة
أشرب كاكولا وسيجارة
واشتري بالقرش اللي كسبته
حته حلاوة وبقلاوة
انا الأديب.....الأدباتي

/


انا اللي شايل هم بلادي
وادافع عنها بشراسة
لا غادر يدوس علي أراضيها
عمل وعمر فيها ولا عمر
أمسح تاريخها بأستيكة
دي حببتي وبموت أنا فيها
وريني يا فارس بقا نفسك
يا اللي عاملي عنتر أنتيكا

أنا الأديب..... الآدباتي