[طارق طروق]

قشطه عليكم
انا هحاول كل مره اشتغل فى مهنه معينه وهختار معايا
واحده من البنات تكون مساعده ليا حسب المهنه
واول واحده هختارها فى المهنه دى ايه
انا كابتن طيار وايه مضيفه الطياره
تعالوا نشوف الرحله دى ايه اللى حصل فيها
كابتن طارق: روحى يا ايه اقفلى باب الطياره عشان خلاص طالعين
ايه: باب ايه اللى اقفله يا كابتن وطالعين فين هو انت طيار ولا سواق ميكروباص؟
كابتن طارق: يعنى مش انتى اللى بتقفلى باب الطياره؟
ايه:لا يا كابتن مش انا عندك الزرار الاخضر دوس عليه يتقفل باب الطياره
طب استنا قبل ما تدوس على الزرار هشوف كدا ركاب واقفين على الباب ولا لأ
كابتن طارق: ركاب ايه اللى واقفين على باب الطياره هو احنا فى المترو؟
خلاص انا قفلت باب الطياره خدى المايك اهو وقولى للركاب كابتن طارق عايز يحيكم
ايه فى المايك: احم احم عطسسسسسسسسى عطسسسسسسسسسى
كابتن طارق: يرحمكم الله يا ايه انتى عندك برد ولا ايه؟
ايه: ايوه عندى برد يا كابتن وطول الليل منمتش وماما فضلت صاحيه
وعماله شغاله عليا بالليمون وتدينى فى علاج ولا الرشح من مناخيرى
طول الليل عماله ارشح من مناخيرى عطسسسسسسسى
صوت الركاب من خارج كابينه الكابتن: يرحمكم الله يا ايه والف سلامه عليكى
ايه: يالهوى يا مصيبتى يا خراشى دا المايك مفتوح والركاب سمعونى
كابتن طارق: ولا يهمك بس خدى بالك المره الجايه يلا بقى عشان اتأخرنا
قوليلهم كابتن طارق عايز يحيكم
ايه فى المايك: ايها الساده والسيدات كابتن عطسسسسسسسسسسسى طارق عطسسسسسسسسى عايز عطسسسسسسسسسسسى يحيكم الله يخربيتكم
كابتن طارق: شوفوا يا اخونا احنا دلوقتى طالعين بالصلاه على النبى الرحله دى بعد شويه
اربطوا الاحذيه
ايه بصوت خافت: اسمها اربطوا الاحزمه يا كابتن
كابتن طارق: قصدى اربطوا الاحزمه بالصلاه على النبى كدا عشان لو الطياره وقعت لقدر الله
تبقوا فى امان ونعرف نتعرف على الجثث بتاعتكم
ايه: يا مامى يا مامى بلاش وحيات ابوك يا كابتن تقول كدا عشان بخاف
كابتن طارق: ايها السيدات والساده متخافوش وقولوا يارب عشان مش عارف قلبى كدا
مقبوض عشان حلمت حلم وحش امبارح لكن اطمنوا خير ان شاء الله يلا طالعين اهو على بركه الله
ياريت تقروا الفاتحه بقى يلا نقراها مع بعض
(الطياره طلعت وبقت فى الجو خلاص)
ايه تصرخ بصوت عالى: لا لا نزلنى يا كابتن شكلك كدا مش بتعرف تسوق طياره
كابتن طارق: ايه اهدى اهدى انا قبل ما ابقى كابتن كنت سواق ميكروباص
يعنى عندى خبره بلا مبعرفش اسوق بلا نزلنى عيب عليكى تقولى كدا
ناولينى الشاى
ايه: اتفضل الشاى وربنا يعديها على خير
كابتن طارق(والمايك مفتوح) :يا ساتر يارب معقول المصيبه دى؟
ساد الصمت بين الركاب وهم فى حاله ذعر
كابتن طارق فى المايك:لو مؤخذه يا جماعه اصل المضيفه ايه
دلقت على بنطلونى الشاى وهو سخن وبهدلتلى البنطلون من قدام
صاح احد الركاب بصوت عالى:ابوك على ابو بنطلونك
تعالى شوف بناطيلنا من قدام وورا ايه اللى جرا فيها من الخوف والرعب

مع السلامه بقى