[Mira yousf]

انا مؤمنة بالحسد جدا وب شرة وعارفة الحديث الشريف اللى بيقول واستعينوا على قضاء حوائجكم بالكتمان بس الرسول الكريم قال الكتمان مش الكذب او تيجى تحور من غير ماحد يسألك اصلا !! وانك تحكى الحزن والبؤس والنكد عشان تمنع اللى قدامك انه يفكر يحسدك اصلا !! انا بشفق على النوعية دى من البشر النوعية اللى خايفة طول الوقت من الحسد ومش عارفة تفرح النوعية اللى بتفشل مش بتتعلم لانها اقصى تفكيرها انها محسودة مش مقصرة النوعية اللى من كتر مابتفكر فى الوحش بيحصلها وبتفتكر ان دة حسد بس لاسف بيكون ابتلاء داخلى من الرعب انكم هتتحسدوا !! والاسوء من كدة الشخص اللى بيكون بيخبى يكون حشري ويسألك على تفاصيل التفاصيل!! بسأل نفسى لو الحسد مش مذكور فى القرأن كانت الناس هتعلق الفشل والتقصير والرؤية الضيقة على انها شماعة !!الحياة اقصر من انى اسيب الخوف يسيطر عليا ويمنعنى انى انبسط بابسط الحاجات اللى هى عند كل الناس اصلا !!! بلاش تفكيركوا فى الحسد تحولوة لمرض يدمركم ويحرمكم باللانبساط بالحياة غيروا نظرتكوا لحياة ولناس هتعيشوا مبسوطين اكتر