زى الايام دى السنة اللى فاتت اتوفت
مرات اخويا فى حادث قبل يوم الحادثة
بالليل كانت بتكلمنى ع الفيس تانى يوم
روحت المدرسة الساعة 8:30 لقيت سواق
الاتوبيس الل. من نفس بلدى بيدور علية
وبيقولى الحقى مرات اخوكى حسام اتوفت
ولا كانى سمعت حاجة قولتله مرات اخوية مين
ماله ده بيقول اية ياجماعة حد يشوفه واحده
زميلتى اتصلت ع اخوها قالها ايوة فى حادثة
عربية يا رانيا ماتت اية يعنى اية ماتت اصلا
دى لسة كانت بتكلمنى الليل ازاى تموت يعنى
لا اله الا الله صاعقة والله زى الصاعقة بالظبط
اخدونى روحنى بعربية المدرسة بسرعة لقيتهم
رنوا علية 35مكالمه فائته الموبيل كان سيلنت
اتصلت بولاء اتاكد من الخبر قالتلى ايوة وف
المستشفى راجعين لدفن انا لله وانا اليه لراجعون
اه الموت حقيقة لكنة بيفجع اهل الميت انا مش
ناسية ولا ثانية من تفاصيل اليوم ده والكارثه
الاكبر كانت انى معاها طفلين واحد 8شهور
والتانى تلات سنين وكام شهر لكنا عارفين
نربيهم ازاى ولا مين اللى يسهر بالصغير طول
الليل ولا مين اللى هياخد باله من الكبير اكل
اكل ولا لا ولا اية ولا اية ولا اية طيب الصغير
هيتعود ع اللبن الصناعى طيب لما يتعب مين
يسهر بية ويصحية ف نص الليل ياخد دواه
طيب الكبير عايز يروح لسمية عايز يروح بيته
اشتاق لامه هنرد علية نقوله اية لما يسال عنها
اوقات كان بيقعد ف الظلمة لوحده يبكى من غير
سبب لو حد قاله كلمة او بصله وهو مدايق يبكى
كارثه بكل ما تحمله الكلمة من معنى الام ولا حاجة
تعوض الام ولكن لله الحمد من قبل ومن بعد امى
موجودة وعملت اللى متعملهوش اى جده فى سنها
عشان تقدر تعوضهم حنان الام هى اللى كانت بتسهر
بالصغير وهى اللى كانت بتاكل الكبير والاتنين بيناموا
جنبها دلوقتى بيقوللها يا ماما حقهم مشفوش غيرها
من ساعة اللى حصل جدتهم ام امهم متعرفش عنهم
حاجة يوم العزاء قالتلنا خالوا بالكم من العيال يخربيت
جحود قلبك دا انتى صخره مش بنى ادمه عدت علينا ايام
كنت انا وامى واخويا بنبكى واحنا طالعين ع شغلنا والله
هو يصحى بيبكى ويقول لامى مش قادر انساها دايما ف باللى
امى تبكى وتبكينى معاها انا اقولها متبكيش خاليكى قوية قدامه
لما احنا كدا امال هو يعمل اية وانا اروح اكمل بكى ف المدرسة
عدت سنة لكنى محدش نسيها لحظة الله يرحمك ياسمية ويجعل
مثواكى الجنة اللهم امين يارب تحفظ للجميع امهاتهم مفيش اصعب
من احساس فقد الام احساس بيقتل فى كل ثانية مكنتش حابه احكى
حاجة لانه اصعب يوم شوفته فى حياتى ربنا ما يورى حد حاجه وحشة
زى كدا ياااااااااااااااااااارب
|