[جالس لحالي]

المعصوب هو اكلة من اكلات يمنية كتير جميلة جدا وممكن يكون فاتح للشهية او يقفل معاك لاخر اليوم

المكونات

2 رغيف بلدي
2 صوباع موز
1 علبة قشطة
4 معالق كبيرة عسل ابيض
ممكن تضيف تمر عجوة (10 حبات)
ممكن تضيف كورن فيلكس (اصغر علبة)

الطريقة

بتفرم العيش البلدي لوحده ويفضل انك تسخنه قبل الفرم باستخدام كبة الخلاط

تفرم الموز لوحده (هيبقى مهروس) ومعاه تمر العجوة لو حبيت

تضيف الموز المفروم على العيش المفروم وعلبة القشطة وتقلبهم على بعض لغاية ما الخليط يكون متجانس وبعدها ترش العسل الابيض بالكمية الى تحبها وتحط عليهم الكورن فيلكس

وطبعا الوجبة دي يفضل انها تكون الصبح قبل ما تنزل على شغلك انما بعد ما تدخل فى ادمان هتلاقى نفسك بتاكلها صبح وظهر وليل

وبالهنا والشفا