كلام جميل لكن بعيد عن الواقع اسف لانى باقول كده
و كل اللى عايشين بره و بيدخلوا المنتدى عارفين انا باتكلم على ايه.
اولا اللى قاعدين فى الشات ناس فاضيه و سورى اغلبهم صايعين قوى يعنى المثقفين و الناس اللى بتصحى من بدرى تروح الشغل مش فاضيين للكلام ده.
و ثانيا الاجانب شكاكين جدا و بيخافوا من اللى مش بيعرفوهم و للاسف خصوصا العرب يعن اقل حاجه هيفتكروا المواقع اللى انت حاططها فيها فيروس.
ثالثا اللى عايز يبقى مسلم او مسيحى او يهودى بيدخل على النت و بيدور او بيروح ياخد كتاب من المكتبه او يشترى كتاب
احنا مش هنفرض على الناس دين معين و بعدين انت بتتكلم عن ناس متحضرين و مثقفين جدا و لو عايزين يبقى لهم دين فده بيبتدى من جواهم
و بعدين تعالى اتفرج العرب اغلبهم هنا عاملين ازاى؟ حاجه تكسف و تزعل
بيعملوا كل حاجه يستغلوا بيها النظام يعنى مش بيشتغلوا و عايشين دور الفقرا اللى بيشحتوا و عايزين مساعدات و بيكدبوا و يقولوا مش لاقيين شغل و هم فى نفس الوقت بيشتغلوا من تحت لتحت علشان ياخدوا المساعده من الحكومه.
دماغهم زى الحجر يعنى مفيش مرونة تفكير خالص طيب طالما اوروبا وحشه و فساد و كل الحاجات الوحشه اللى بيقولوها عايشين فيها ليه ؟ ما يرجعوا بلدهم احسن
و الله انا حزينه للى بيحصل لدينا الجميل و سمعتنا اللى بقت وحشه بسبب قله خساره فيها الاسلام
|