صحيت من النوم علي صوت رقيق منخفض همس في أُذني وقال :
( اصحي يا بشمهندس محمد علشان تفطر يا صاحبي )
فَتحت عيناي واذا بي أنظر أمامي علي السرير لــ أجد الفطار الذي أُحبه وأتناوله باستمرار
كنت في حالة زهول وتوهان لبعض اللحظات ثم ابتسمت قائلاً
( والله مش عارف اقولك ايه يا صاحبي أنا محرج منك بجد )
ربنا يحفظك ويكرمك يارب وتحقق كل اللي نفسك فيه ونرُدهالك في الأفراح ان شاء الله
.................................................. .........
لم يمر الا بضع أيام وجاء الي والسعادة تظهر علي وجهه القي علينا السلام , ثم قال :
( أسكت يا صاحبي مش لقيتلك العروسة اللي بتدور عليها ثم ضحك )
كعادتي صدمت وتوهت للحظات مع علامات استفهام وتعجب ظهرت علي وجهي وقلت : ( عروسه امممممم عروسة ايه ؟!! )
قال لي : ( الفلسطينية اللي بتدور عليها وابتسم ثم أكمل قائلاً
( النهارده كنت في الفريق ومن ضمن الأعضاء اللي معانا شخصية تُدعي الأستاذه ..... كانت بتتكلم عن قرايبها في فلسطين ومكنتش أعرف قبل كده انها فلسطينية وكان باين عليا اني كنت مستغرب فــ قاطعت استغرابي الأستاذه فلانه وقالت ايوة يا جماعة أصل الأستاذه ..... من فلسطين والدتها فلسطينيه ومُقيمين في مصر
رديت انا وقولتلهم ايه ده بجد ؟!!!!!!!!!!
قالت : أيوة , ليه ؟
ضحكت وقولتلهم أصل فيه واحد صاحبي بيدور علي واحده فلسطينيه من زمان , صفاته كذا وكذا ^^
ثم أكمل قائلاً
هي منقبه , ومع ذلك كان باين عليها الخجل أعني الخجل الشديد
وقال هي بنت ناس ومحترمة وكذا وكذا وكذا .... الخ )
- في الوقت ده كأني كنت في عالم تاني أشبة بالشخص اللي دخل (غيبوبه ) مش مصدق ان ده حصل فعلاً
عينان مفتوحتان , عقل حائر , ووجه مبتسم
............................................
لم يمر الا القليل
عندما استيقظت في أحد الأيام وكان يوم جمعة ليقول لي
الباتيه الشكولاته اهو علشان لما تفطر يا محمد ^_^
كالعادة نفس الوجه !!
ربنا يحفظك يا صاحبي ويتمملك علي خير ويرزقك بــ ( عمرو ) الصغير اللي والدتك بتتمناه وتعدي السنه دي علي خير واشوفك بتتخرج السنه الجاية يارب .
...............................................
ربنا كرمني بــ 2 في السكن ( م/ يوسف , د.أبوالفتوح ) موجودين معايا في نفس الأوضه من السنه اللي فاتت أقل ما يُقال فيهم انهم نعمة ورزق كبير من عند ربنا
وكأني اسمع أُمي الآن حين تقول:
( روح يابني ربنا يوقفلك ولاد الحلال دايماً )
دول ولاد الحلال وولاد الأصول
الشخص التاني برضه مهما اتكلمت فيه مش هوفيه حقة بجد
أقل حاجة بيعملها بيفضل مستنيني علي الأكل مستحيل ياكل الا لما اقعد ونبدأ أكل سوياً التصرف ده بيفكرني دايماً بــ الأُسرة والعيلة الواحده
ربنا يكرمك انت كمان ياصاحبي وتخلص علي خير ويرزقك ببنت الحلال الصالحة اللي بتتمناها اللهم آمين
كتبت ده وانا في كامل قواي العقلية ^_^ .
10/3/2018
محمد عادل
التعديل الأخير تم بواسطة Muhammad_Adel ; 03-10-2018 الساعة 06:36 PM |