[Muhammad_Adel]

بص هقولك ع حاجه انت بتتكلم فى اتجاه واحد ان الشخص دا كويس
انا كمحاميه بيمر عليا العجب وبقول نعم لكسر ضهر الشاب لحمايه البنت
متستغربش زى مافى مثل كويس فالاضعاف منيله بنيله
لما الاهل بيكحموك بطلبات وانت بتشوفها تقيله فالاهل فهامين كويس انك لاقدر الله
لو طلعت شخص مش كويس منيل يعنى فيعرفوا ياخدوا حق بنتهم
ولو انت كويس يبقى خلاص لاضرر
اعرف نماذج واصحابى شخصيا اخدوا بعض عن قصه حب طويله عريضه .. واهم بيشرشحوا لبعض دلوقت بمحاكم الاسره رغم ان الواد الاهل مأسروش معاه وبسطوا كل حاجه ليه واهو خبى العفش وطعن القيمه ا وووو...الخ... فى اساسيات يوم ما يبقى عندك بنوته ان شاء الله بفطره عندك هتعملها..
.....
نعم لكسر ضهر الشباب !!!
تفتكري دا اللي أمر بيه النبي او الإسلام اننا نعجزهم ^^ ؟!
طيب ولما نكسر ضهرهم حضرتك هم البنات دول مش المفترض بيتزوجوا شباب برضه ولا بياخدوا كائنات فضائيه وانا مش واخد بالي , لعلمك البنت اللي بتحب ولد بتوافق تعيش معاه ولو في ’’ عِشَه ’’ وانتي عارفه ده كويس , وطبعاً حضرتك تقصدي الكسر يكون من ناحية أولياء الأمور .. بس ده مش صح عارفه ليه ؟!
اللي بيُشتَري بالفلوس بيكون تمنه فلوس في الآخر ^^ غالباً اللي واخدها مش بيحبها مجرد زواج صالونات قد ينجح وقد لا , طبعا نفس الكلام علي زواج الحب
الا ان حضرتك حولتي الموضوع خارج نطاق انه زواج تقليدي او زواج عن حب واننا نأمنها عن طريق ’’ المال ’’ بحيث لو طلع مش كويس ومنيل علي حد قولك يبقي أخدنا حقنا !! وده منطقياً مش صح علشان اللي بيؤتمن علي العرض لا يُسأل عن المال !
وده خارج نهائياً عن اللي أنا عايز أوصله ^^ ,
مكنتش بتكلم من طرف واحد صدقيني انا خصيت الاتنين بنفس المقدار انا شاب , لكن عندي اخوات بنات برضه وهيكونلي أبناء بنات بعون الله في يوم برضه بس مش هتعامل بالطريقه دي
’’ عرضنا ’’ مش تحفه فنيه معروضه للي يدفع أكتر !
,,,
كلام حضرتك صحيح وانتي مُحاميه وبمر وبيمر عليكي كتير وبيحصل ان أُسر مُحترمه بتقدر الشاب وتوقف جنبه لحد الآخر وميقصروش وبيطلع مش كويس في الآخر
ويحصل زي اللي ذكرتيه ويلجأوا للمحاكم كمان !
ما اهو لكل قاعده شواز وده اللي بيقوله القانون ^^
ودا ميمنعش ان زواجات كتير والحمدلله بتكمل لحد ما ينتهي الأجل علي الحب والموده والطاعه , علشان واخدين بعض عن حب ,
لعلمك انا مش ضد الزواج التقليدي اطلاقاً طالما الطرفين موافقين انا بتكلم عن الناس اللي بتحب بعض وموافقين يعيشوا علي وضعهم سواء كويس وميسر او لأ لحد ما ربنا يفرجها وبتكلم عن الأهل اللي بيوقفوا الزواج ده ,,
بس كام أسرة دلوقتي بتدي فرصه للشباب وتوقف جنبه ( طالما هو كويس ) ؟!
كام أُسرة بتيسر ومبيتمنوش بنتهم بالفلوس ( تأمينها ) وبيدوروا علي سعادتها وطالما هي موافقه يبقي خلاص قرارها ويوافقو ؟!
علي فكره الحكاية مش حكاية حب او زواج تقليدي دا قدر ربنا مقدره يعني حتي لو تقليدي ما اهو بيحصل فيه لجوء للمحاكم برضه وعلي ايدي صدقيني ! , الموضوع كله يكمن في الأهل !
,,
نورتي برأيك وردك , ربنا يوفقك في عملك ويسعدك باللي فيه الخير ليكي ويحفظك ..