[countess doha]

اقتباس المشاركة الأصلية كتبت بواسطة ايمان طلعت السلام عليكم ورحمة الله وبركاته عالم حواء عالم كبير يصعب الغوص فيه فالمرآه بحر عميق للغايه تحسب انك تفهمها لكن في الحقيقه هي من تصل اليك ما تريد ان تفهمه همسات انثى معانا ضيفه جديدة على المكان لكن تواجدها أصبح ملحوظ معانا countess doha عرفينا عن نفسك سريعاً؟ اسمي ضحي عندي 20 سنه من المنصوره ، كليه تربيه نوعيه حاسب الي ، فرقه تالته ، جامعه المنصوره ما هي مواصفات شريك حياتك ؟ جامعي وخلوق ويحترم الست اللي معاه ايا كانت مكانتها من يعشق قبل الاخر من وجهة نظرك القلب ولا العين؟ ولماذا؟ العين ، لان انا لو فيه حاجه لفتت انتباهي جامد اكيد لان عيني وقعت عليها ، مش قلبي حس بيها مثلا متى تشعري بالوحدة ؟ انا دايما وحيده صحيح جنبي اهلي لكن كل واحد مشغول ف وظيفته او حياته حتي كمان اصحابي معنديش صحاب بالمعني الحرفي ، بس زمايل او معرفه سطحيه متى تكرهين الرجل ؟ لما يكون بخيل ، ومعندوش اسلوب ف الكلام من هو الرجل المسؤل برأيك ؟ ده الراجل اللي يكون من صغره معروف عنه الكفاح وانه بيبني نفسه بنفسه يقال أن الطريق لقلب أدم معدته هل هذه المقوله صحيحة ؟ 😂😂😂 اها بشوف ماما لما تحب تطلب حاجه من بابا بتعمله اكله حلوه قبلها عشان يوافق ، وساعات برده بالحنيه وبالسياسه ماهي الصفة التي لاتتنازلين عنها في الرجل؟ انه يكون نزيه (يعني مش بخيل) ماهي أجمل هديه تتمنيها من الرجل ولماذا ؟ انا بحب الراجل اللي ياخد باله من التقاصيل ، يعني يفاجئني بحاجه انا قولتها بس من غير ما اخد بالي دمعة الرجل ماذا تعني لك ؟ لو ع اي سبب ، بتكون ضعف وقله حيله اما لو ف اصعب الامور ، بتكون حب هل المال يحقق لكي السعادة؟ اكيد ما الشئ الذي يمتلكه الرجل وتتمني امتلاكه؟ الشغل هل من الممكن ان تبوحي اسرارك لصديق ام صديقه ولماذا؟ صديق ، انا جربت الاتنين بصراحه البنات وحشين خالص اكيد مش كلهم بس الكام حد اللي اتعاملت معاه عدملي الثقه نهائي من كل البنات اما الولا عكس حرفيا ما هو السبب لخيانه الزوج؟ دناوه 😂😂 متى تشعري بالضعف ولماذا ؟ لو حد قريب مني ف حاجه بتمسه وانا مش قادره اعمله حاجه ، بحس اني اضعف مخلوقه ع الارض الى أين يصل مفهوم الحرية بعالمك ؟ اني اسافر بره مصر لواحدي ماهو المفهوم الحقيقي للحب لديكِ ؟ ااحب ده زي المعركه ، ياتنتصر فيها وتفوز بحبك ، ياتخسر وتضيع حاجات كتير ماهو اول و اهم شيء يجذب نظرك للرجل و يجعلك تهتمي به? زي ما قولت فوق انه مش بخيل ، وتعليمه طبعا ، وقبل كل ده اسلوبه ف التعامل مع الغريب والقريب. لان فيه واحد بيبن التظاهر قدام الضيوف لكن مع اهل بيته مختلف تماما هل تعترفي بشيء اسمه الصداقه بين الرجل والمرأة ؟ اكيد ماذا تمثلك علبه المكياج؟ متعه نصيحه منك لكل حواء؟ كوني لنفسك كل شئ اشكرك ضحى واستنونا وحلقه جديدة وهمسات انثى جديدة تحياتي ايمان طلعت

مشكورة لذوقك حبيبتي ربنا يسعدلي قلبك