[د/ عبد الله]

خايف..
لكني مش مفزوع
عارف..
وليا خط رجوع
لكني مش متطمن

مظبوط عليا الخوف
ومقاسه مش واسع
وبرضو أنا الملهوف
أكون ف يوم راجع

خايف لقاك...

والخوف بقى ف دمي
يجري ويجلي الروح
ف صورة م المسموح
لكن ده من همي.

والخوف من الخوف
بيجبرني..
أكون صورة
وحيدة ف دوشة الموال
لكن على الهامش..
صورة بألف خيال.

وأخاف..

لما بسابق الملكوت
وأما بخاف م الفوت
وأسمع..كأني مش سامع

وأقول...
لو كنت بيك متطمن
طب ليه بمد خطايه
وبتوه ف ألف حكاية
كأني ليك مش راجع

خايف لقاك...

لكني مهربتش
بمد الخطوة بعيد وبرجعها
وأعيد الحالة من تاني
ألاقيني ثبتت ف مكاني

فأخاف...

لأن اللي بيني وبينك طال
ومحتاج م الخطاوي كتير
معدش يفيد خطوة ع اتجاهين
وأخاف اللي ليك يقربني
خطوة مبتجيش مرتين.

خايف لقاك.