الواحد لما بيقعد لوحده
بيفكر ف حاجات كتير اوي لمه الناس حواليه ومشاغله بتخليه ينساها ويتناساها
لما بنفكر ف بدايه مشوارنا اول م وعينا ع الدنيا وفهمنا وبدانا نغلط ونتعلم
كم مره وقعنا وسندنا نفسنا وكام مره ناس سندونا كان ربنا باعتهم لينا يقوونا وراحوا لحالهم
ع قد م بنزعل ع قد م بنفرح ان بعد كل دا الدنيا لسه ماشيه
كنت دايما ببص للدنيا بنظره تشاؤميه فالطبيعي حياتي بتمشي متشقلبه
بس بدات احس انه طبع حتي لو فيه فرح ولو بسيط الواحد جواه حته كدا م بينساها ودايما بيفتكرها
حاجه واحده بس بحياتنا توجع بتفضل تاثر فينا العمر كله
وقرار غلط ورا التاني طريق مقفول ورا التاني
لحد م حكمنا ع حياتنا بالكركبه الدايمه
مش غلطه اللي حوالينا ع قد م هي غلطتنا
اننا بنختار غلط ،بنمشي غلط ،بنفكر بعاطفه زايده ودا بردو غلط
والاكتر والاكتر من كل دول ف الغلط
اننا مبنتعلمش
كنت وانا صغيره اتباها ان كل اما حد يشوفني يقولي انتي هاديه اوي
انتي مبتتكلميش
انتي دايما ساكته وراكزه كدا
بس لما كبرت اكتشفت انها حاجه مش حلوه ليا ع قد م هي حلوه للي حوليا
السكوت دايما ف كل المواقف بيخلق جوانا كتمه فظيعه
السكوت والهدوء والتوازن بيكبتنا بجد
لما بدات اتعايش مع اللي حوليا وابقي اجتماعيه اكتر ومسكتش ع حق واعطي راي
لقيت اني بردو مش مرتاحه
مش عارفه بقول الكلام دا ليه
بس اكتشفت ف الاخر
ان مش ضروري نمشي ع هوا حد
مش ضروري نعجب حد
مش ضروري حد يحبنا ف الدنيا
ان طول م احنا صح ومرتاحين ومبنبصش للي فات هنبقي احسن
وف الاخر ان نتعلم م الغلط وان الطبيعي ان ف الدنيا محدش مرتاح
محتاجين كمان نقرب من ربنا
من ربنا بس
مفيش حد بيهمه حد وعادي انت هتهون ع اي حد
مفيش عزيز ولا غالي
اللي هتغليه هيرخصك
ربنا بس اللي وقت م هتدعيه وتقول ي رب
هتلاقي اذان بيقولك الله اكبر ،
فعلا ربنا اكبر
من اي حاجه واي وجع واي حزن واي هم واي حد
ولينا ربنا دايما
صباح الأمل بالله ولعله خير. ❤
معلش طولت ومش بكتب الكلام بتقرا ع قد م بكتبه راحه نفسيه
بمكن اكون دخلت من موضوع للتاني
ومن كلام لغيره
بس ارتاحت نفسيا جدا
،
امتحانات بقا ودعواتكوا. 💜💙
|