مسافر
فضلت سنين وسنين
جوه مدارس وكليات
علشان اتعلم واكون
دكتور واخدم الناس
قولت اسافر علشان
اجيب فلوس وارتاح
يوم بعد يوم واقول
خلاص قريب المعاد
وكل مكالمه من امي
بصوت حزين والدمعه
نازله وبصوت كله
لهفه وشوق تقول
انزل علشان اشوفك
يا نور قلبي وحشتني
عوزه اشوفك عريس
واشيل عيالك واهيص
مكنتش اعرف ان المعاد
قرب واكون احلي عريس
لكن مجوز من بنات الحور
مكنتش اعرف وانا واقف
مكاني ان يدك الغدر جيالي
وشايله سكينه ورفعاها علشاني
وفي ثواني كنت انا بدمي غرقان
وروحي طالعه عند الرحمن
ما تبكيش يا امي علشاني
انا ميت بس عايش جواكي
اوعي في يوم تحزني عليا
دانا الفرحه مش سيعاني
شهيد الغربه انا يا اما
ورب الكون مش نسيني
في الجنه انا يا امي عايش
مبسوط وفرحان اني فرحان
ان سبت الدنيا والغدر خلاص
افرحي يا امي وغاني ليه
انا عريس في الجنه يا امي
اهداء الي اخويا وحبيبي شهيد الغربه
الذي قتل في السعوديه في الصيدليه
الدكتور احمد طه المناخلي
التعديل الأخير تم بواسطة واد حبيب ; 01-04-2019 الساعة 03:44 PM |