[إيلاانا]

كان وصولي للإمارات الظهر طبعا من الصباح خارجه من مكة لجده من التعب وانا في المطار مريت اخلص شغله ببطاقة الهوية حقتي وطلعت من المطار
السواق كان منتظر بره وانشغلت بالسيارة أحط الشريحة الاماراتية المفروض احطها وانا بالطائرة بس السوالف نستني 🤪 يدوب حطيت الشريحة واحصل اتصالات ورسائل وانا بالطريق اتذكرت الهوية ادور عليها ما حصلتها 😭بطاقة هويتي الوطنية صرت اكلمهم وانا أقول هويتي بالمطار نسيتها عند الموظف متأكده ما اخذتها منها طبعًا حصلت تهزئي 😭 اشلون تنسين هويتك وين عقلك خلاص ما بتضيع نعمل الاتصالات ونشوف الموظف ما شاء الله الكل هنا من ربعي ورئيس العمل الي اول اتصال ورسائل كان منه قلت ارجع دربي المطار زين اني ما بعدت كثير عاد إلا هويتي الوطنية قلت لسواق ارجع المطار رفضت الا إني اروح بنفسي ما ارتاح رجعت المطار أول ما وصلت ركض ركض 😂🤪🤪🤪مسرعة سرعة 150🤪 زين ما انقلبت او دعمت الي قدامي 🤑 الموظف والله من بعيد شايفني مسرعة من خلفه لحد ما وصلت له واهو يضحك 😭وماسك هويتي ورافعها يم خده وقي آخر يقولي وأهو يضحك ما لقيت فرصة اكلمج 😾ضحكت وأخذتها منه بسرعة ما رديت احر ما عندي ابرد ما عنده وفرصة تكلمني ليش ما اعرفك ولا تعرفين
يدوب أحط أغراضي يومه ما ارتحت اتصال إنزلي هالحين ياااربي بأخذ نفس وارتاح طيب على السريع بذلت ملابسي وصليت كل التعب الي كان فيني راح بشوفة الأصدقاء هنا
طبعا الإمارات بعد محتفلة باليوم الوطني السعودي حتى في مدارسهم وطالبين منهم بعد إعلام سعودية ي حبيلهم كفاية الاستقبال الي شفناه منهم بالمطار وكل مطارات الإمارات . بعد باكر اليوم الوطني السعودي بعد الدوائر الحكومية هنا بتحفل أولا مره الاحتفاء باليوم الوطني أكون هنا🇸🇦❤بس كلي شوق وحنين لوطني ما في مثل الوطن ابد 🇸🇦

اللهم أحفظ السعودية وطني الغالي الحبيب ودولة الإمارات الحبيبة الغالية على قلوبنا