اليوم إن شاء الله بالليل بكون بالمطار راجعه السعودية بعد قضاء تقريبا خمسة أيام بالقاهرة في الجو البارد جدًا اثلجت فيه وأول مره في حياتي اطلع لابسه بنطلونين جنز فوق بعض 🤪 كيف اهو هو كذا من البرد 🤪 اجمل يوم كان قبل يومين مطر جميل مده قصيرة كانت لمهمتين السفرية هذه وخلصت منها والحمدلله طبعا ما خرجت منها جلوسي كله بالفندق يدوب اخلص أموري وارجع الفندق ماعدا يومين طلعت فيها مره سهرة بره لحد الصباح مع اخواتي ومره رحت لمطعم بالليل على قد ما جئت القاهرة في السنة ثلاث اربع مرات الا أنه عمري ما رحت مطعم صبحي كابر ذا اسمع عنه بس عمري ما فكرت حتى اروح له ..صديقاتي من الامارات قابلتهم هنا قالوا رحوا مررره حلو ولذيذ ومدحوا فيه قلنا نروح ونشوف كمان السواق مدح زيااااااده مكانه غريب وزحمة موووت ايه ذا انا شفت صراحة خفنا اول مره اشوف شيء كذا ماشاء الله زحمة بصورة غريبة ونأخذ ارقام زين السواق اخذ رقم ودخلنا وقفت البرد هذه دخلنا زحمة وطاولات جنب بعض والمحل رحته اكل وبصل كان نفسي اطلع بس حرام السواق تعب بالزحمة طلبنا بس كل الي أكلته ملوخية بس 🤨صراحة لذيذة بس من غير أرانب وشربت ببسي اعتقد قالوا ايه العائلة الغريبه هذه طلبنا ملاعق بلاستك وشوك كل الي جلسنا ما يجي نص ساعة 😭 بس معاملتهم حلوه لا لما حاسبنا كان المبلغ غير متوقع صراحة جدًا رخيص بس يوم كان صعب عليا انا كنت بموت اولا زحمة لاني ما احبها والمكان جنب بعض وثاني جنبي أم وبنتها أكلوا حمامة اختي اشرت لي على الحمام أشوفها تقطعها اللحمة بالشوكة والسكين اكره الحمام اخاف منه حتى لو ميته حسيت جسمي ينتفض ولا قدرت اجلس حسيت الحمامة ممكن تقوم وتنط عليا أتخيلتها عايشة بالريش وكله الله يسامحك ي اختي . يالله اهو يوم وعدى .بس البرد ذا صعب انا ما اتحملته ..السعودية كمان برد بس مو مثل هنا .اكيد راح توحشني مصر بس لو لي عمر اكيد برجع ان شاء الله لها وتكون سياحة بااارب مو لغيره 🌷❤
التعديل الأخير تم بواسطة إيلاانا ; 01-12-2020 الساعة 11:46 AM |