[Lamees]

اقتباس المشاركة الأصلية كتبت بواسطة ahmed 22 هو من كلامك واضح انك بتميلي اكتر للمسامحة وبتدوري عالأسباب كلها اللي تخليكي تسامحي ومتأملة من الناس انها تساعدك في القرار ده وتقولك سامحي وده لوحده اشارة من نفسك بشكل غير مباشر ... انها عاوزة تتهيأ للقبول والنسيان .. عامة هو واضح ان الموضوع شخصي .. والتفاصيل صعب الخوض فيها وده امر طبيعي .. وبالتالي أي نصيحة من اي شخص مالهاش معني هو الموضوع بينك وبين نفسك اولا واخيرا وعلي حسب تقديرك لحاجات كتيرة وميزانك للشخصية دي .. وتجاربك معاها .. ودوري عالشئ اللي ممكن يجمعكم وهل هو يستحق ولا لاء .. بس في اوقات القلب بيضعف الواحد منا في قراراته وبالتالي خلي ميزانك أو عقلك في اهلك والمقربين منك وخليهم هما اللي يحددوا اذا كان الموضوع هيمس كرامتك في المقام الأول ولا لاء ... لو مش هيمس كرامتك يبقي تسامحي .. ولو هتتنازلي شوية .. فالعشرة هي اللي بتحدد هل هو يستاهل التنازل ده ولا لاء و ربنا يوفقك ويكتبلك الخير دايما .. ان شاء الله

استاذ احمد بشكرك جدا على التحليل الواقعي جدا ده
انا فعلا زي ما حضرتك قلت بالضبط ميالة المسامحة
بس بتألم من اللي حصل عامتا الموضوع بعيد تماما
عن الكرامة والخيانة الحمد لله هو اذى ملموس ونفسي
وليه توابع والظروف مانعة اصلاح الغلط ده والاذى مستمر
وانا والله عايزة اسامح بس كل حاجة بتفكرني بالمشكلة
عشان كده كنت حابة اسمع نصائح كتير بالمسامحة
عشان يكون عندي الجرأة على التسامح واخلق لنفسي اسباب
المسامحة عشان ارتاح نفسيا وده اللي بحاول أعمله بس والله
لحد اللحظة دي مش قادرة ولسه ما زلت بحيرتي والله المستعان
بشكرك جدا جدا على الرد الجميل استاذ احمد
تحيااااتي لشخصك الفاضل