[جنون قلب]

من غير بدايه
ولا هنقول مفتتح
انا قلبي كان مغلق للصيانه
بس حاليا ربنا كرم واهو فتح
وحبيت بنت تشبه الملايكه ف ضحكها
وسحرها قادر يخليني اعشقها بدل من اني احبها
عيونها طيبه فيها من جمال سينا
معاها لا ببقي عارف ماشيين بالدنيا
ولا الدنيا ماشيه بينا
سفيننه عشق وراسيه علي مينا
وقلوبنا مرتاحه ..
وضحكنا طارح ورد
عاشق وجودها جمبي
وقربنا من بعض
ست الكل .. شعرها جدايل فل
تنشر بهجه وسعاده
وك العاده ماليش ف الوصف
انا قلبي كان مجروح
بس حاليا ربنا كرم واهو خف
والجرح اللي كان بينقط دم
وخوفي من بكره وشيل الهم
صبحت قادر اعدي بحور
وارسم ع الرمل قصور
نسكن سوا جواها
ونبني حياه ..
يا ست الحسن .. قلبي كان عشمان في وحده زيك
اجي اقولك بحبك
من كسوفي معاكي اقولك ازيك
طبعك عشق وريحتك حُب
قلبي اللي كان قاسي .. بسرعه حب طب