[Aya 7ekaya]

اقتباس المشاركة الأصلية كتبت بواسطة ahmed 22 انا رديت مرة انا عارف بس انا قعدت افكر شوية .. معرفش الموضوع علق معايا ليه وحاسس ان فيه حلقة مفقودة في الحوار هنا .. مش عارف ليه .. و عامة مفهوم القوامة للرجل مش مقتصر عالزواج بس الرجل قائم علي زوجته واهل بيته اللي منهم امه واخته وهكذا يعني الموضوع اوسع من كدا .. في حاجة هتسبب دايما عدم الرضا عند المرآة عامة في زماننا ده مهما اتقال من كلام شرعي محفوظ ومفهوم عن القوامة يطمئنها يعني الكلام المليان دباجة وفصاحة ما بقاش يوصل للناس بالطريقة اللي احنا متخيلينها .. لأن كلمة الطاعة نفسها بقت شبهة عند المرأة محتاجة تراجع جوانبها كل يوم .. كأنه امتحان كيمياء في ظل العولمة اللي احنا عايشين في ظلالها .. واللي هيخلي دايما المبدأ في وضع اتهام وهو ان الكلام عن التطبيق للمبدأ في ظل مجتمع متغرب بشكل صح بيتم وصفه انه رجعي وبيتم التشكيك فيه من جوانب كتيرة .... والكياسة الاجتماعية والدينية فقط هي اللي بتمنع بنات وستات كتير انهم يقولوا كلام كتير جواهم حاسين انهم محبوسين جواه لا اراديا حاسين انهم مخنوقين بمبدأ في حياة مقفولة بقت اضيق من نظرتهم للعالم والحياة برة .. واشكال للحياة فتحت عنيهم علي حاجات اكبر منهم وحياة تغري بسبب ضعف الوازع الديني .. وفي نفس الوقت الراجل محصور في زاوية مش قادر يتخطاها وهو انه مطالب انه يحقق القوامة في ظل ضعف اصابه بعوامل التعرية من الزمن .. الضعف ده مش في قوته الجسدية ... الضعف في ارادته ... ثم عقيدته ... الضعف للي بيخليه يضعف امام تيار فكري صعب يصده من الخارج لانه لا يملك ما يلزم ... وقوة بتدفع المرأة للمزيد في ظل حياة مفتوحة بقا بيتقاس نسب الحضارة بنسب التعري فيها ... انا مش شايف المشكلة في اساسها مربوطة بأن الرجالة فاهمة معني القوامة غلط ولا صح.. انا شايف ان المشكلة مربوطة اكتر بازاي نميز كمجتمع بالكامل ان الصح صح والغلط غلط بالتطبيق مش بالكلام ... لأن الكلام بقا فضفاض وكل يوم بيصنع فجوات في العقيدة بيتم الضرب فيها ... والفجوات دي غير محسوسة فصعب نعترف بيها ولكن مانقدرش ننكر تأثيرها عالواقع اللي عايشينه بالتدريج وبيتسلل لينا كل يوم في الخفاء .. ودي اكبر معضلة ممكن يفع مجتمع فيها انك مش فاهم انك اساسا تعديت المرحلة اللي بتطالب فيها بتهذيب الرجل في قوامته تجاه المرأة .. مش عارف انا قادر اوصل الفكرة صح ولا لاء بس حاسس انها مشتته شوية

عجبتنى جمله
بازاي نميز كمجتمع بالكامل ان الصح صح
والغلط غلط بالتطبيق مش بالكلام
...
يمكن المفاهيم اختلفت كتير و مجتمعنا بقا منفتح اكتر و اعتقد انه مازال الصح صح والغلط غلط حتى لو بتحاول ندارى ده علشان نمشى مع الموجه
لكن انا بتكلم عن الطبيعى و الفكر السوى للموضوع انا شخصيا مش شايفه أن قوامة الرجل شىء ينقص منى أو عندى تطلع للقوامة اصلا لان ربنا خلق طبيعه المرأة غير الرجل ف اعتقد المرأة السوية مهما شافت من تفتح أو تعرفت ع مجتمعات تانية ممكن ده يأثر فى طبيعتها لأن زى ماقولت دى طبيعه مش شىء مكتسب اه فى ناس بتتاثر وده راجع لأسباب كتير لكن انا بتكلم عن العلاقه البسيطة و السوية من غير مانعمل حساب ان مين هيقتنع بيه أو مين لا
احنا مش عارفين نحط تعريف واضح لمبادىء و اسس حياتنا من الأساس ..
نورتنى من جديد