[خالتى فرنسا]

السلام عليكم
فى حياتنا فى ناس وناس عايزن نشوف احنا فين ومع مين مش هطول واسيبكوا تكملوا واشوف ردود
ناس بتسعى من أجل دعوه ......... وناس بتسعى من أجل شهوة


ناس بتسعى عشان الاصلاح ........ وناس ماتحبش حد يرتاح


ناس بتسعى لفعل الخير .......... وناس بتسعى لضّر الغير


ناس مش عايزة اى فقير تعبان ........ وناس بتحب تستقوى على الغلبان


ناس بتسعى وتموت من أجل الحق ....... وناس عمرها للباطل ماتقول لأ


ناس بتسعى بجد ليوم الحساب ....... وناس ناسية وبتسعى للخراب


ناس بتسعى من أجل شهاده ........ وناس بتسعى عشان تعصى زيادة


ناس بتسعى من أجل غزة ........ وناس بتسعى من أجل لذة


ناس كل همها نهضة أمتنا ........ وناس بتسعى عشان ذلة عزتنا


ناس ماشية مسلمه امرها للرحمن ........ وناس بتقول انا تبع فلان وفلان


ناس بتتمنى نعيم الجنة ....... وناس بالحرام عايزة تتهنا


ناس بتقول هنمشى وراك يانبينا ....... وناس بتقول ياشيطان على فين هتودينا


ناس حلمهم يقابلوا رسولنا الأمين ....... وناس حلمهم يقابلوا تامر وشيرين


ناس عمرهم ماكانوا فى الدنيا طمعانين ...... وناس نفسهم يبقوا فيها مخلدين


ناس بتحب بعضها بجد وبإخلاص ....... وناس مابتحبش غير نفسها وخلاص


ناس لما بتعصى تعمل بحر بدموع العين ....... وناس لما بتعصى ولا فارقه معاهم ولا حاسين
من الأخر كــــــــده




أختار انت عايز تكون مع مين؟؟ ....... مع الناس اللى فى الشمال ولا على اليمين


الناس اللى فى الشمال بالدنيا مخدوعين ...... والناس فى اليمين هتلاقيهم متراقبيـــــن


والناس فى الشمال بالدنيا مبسوطين ....... والناس فى اليمين غير رضى ربنا مش عايزين


الناس فى الشمال عن حالهم برده مش راضين ....... والناس فى اليمين ساجدين شاكرين حامدين


أصل السعاده مش فى طريق اخره عذاب اليم ....... لكن السعاده فى طريق نهايته جنة ونعيم


والفايز مش اللى يكسب دنيا أكيد هتزول ...... لكن الفايز اللى فى الآخره يبقى مع الرسول