سبت العنوان للآخر ربنا وحده اللي يعلم بحال قلبي
وقد إيه داريت جواه حزني وحبي
من أقل ألم ييجوا يشتكوا
وأنا لو يقتلني الألم بداري واخبي
بنسى الوجع لما بيضحكوا
تفرحني ضحكتهم وكأن زعلهم كان بسببي
مبقتش مهتم بأي حاجة تنفعني
في طريق الفراق مفارق كل حاجة وهي جنبي
أنا لو هتكلم رح تبكي لو تسمعني
بس ما بتكلمش بداري لسه في مكان في قلبي
سبت العنوان للآخر وهو ده العنوان
ودي حاجة أول مرة أعملها
طول عمري كلماتي بتبدأ بعد العنوان
وبألف طريقة أقدر أقفلها
ش. ح
|