دور ف وشوش الناس
عن حكايات ممكن نحكيها
عيش بينهم خليك وناس
حب الدنيا واضحك ليها
عايش ليه جوا الخوف
والضحكه ديما مداريها
الناس كلها حكماها ظروف
بس الفرحه بتنسيها
اطلع بره لف وشوف
دور ف كل المألوف
هتلاقي من الفرحه صفوف
وبتستناك تيجي عليها
ركز في انك تسعد قلبك
وتفرح اهلك و حبايبك
هيروح الهم ال كان صايبك
و الدنيا هتضحك بعديها
انا عارف انك زعلان
من الدنيا و الحاصل فيها
طب علي فكرة احنا كمان
كل احوالنا من بعضيها
وادينا بنضحك علشان
ننسي و مشاكلنا نعديها
البسمه اللي ف وشك نعمة
و اصحابك و اللمة الحلوة
وهزاركم و يا كام غنوة
الناس بتهون بعضيها
#محمدسعد