[شاعر الحب الحزين]

كنتي فين لما دقت من عذابهم
كنتي فين لما دخت من غيابهم
ده أنا لو قابلتك من زمان
ما كنت عمري دقيت على بابهم
ده انتي جواكي حب وحنان
ما قرئتهوش ف يوم في كتابهم
خانوا القلب اللي كان
في كل حاجة حلوة بيعمل حسابهم
وجابوا اللوم عليه كمان
عشان لما اكتشف غدرهم راح وسابهم


كنتي فين وكانت فين الطيبة
لما هدت قلبي القسوة
كنت زيك عايشة لوحدي غريبة
بتمنى أي لحظة حلوة
مكدبش عليك أنا كنت لغيرك حبيبة
ومكنش اختياري زي ما بهوى
دلوقتي أنا جنبك ومن قلبك قريبة
ضعفي معاك أكبر قوة


مش هوعدك بكلام يطير في الهوا
عايزك توعديني إننا رح نفضل سوا
عشان بصدقك عشان بعشقك
ده اللي يرجع الثقة لحد بنار الغدر انكوى
يبقى بجد أحسن طبيب وأحسن دوا


ش . ح