ياريتني جارك ياريتني كنت جارك
كنت ابقى قريب منك
كنت اعرف أخبارك
كنت ألقى حد اسئله عنك
كنت ارافقك مشوارك
واهديكي وردة بلون خدك
كنت ابوظلك سشوارك
عشان عند الكوافيرة اخدك
نقعد مع بعض والبحر قصادنا
مراكب جاية ومراكب رايحة
تبصي للبحر وافضل باصصلك
تشوفيني تعملي نفسك سارحة
نحدد معاد ونتقابل قبل معادنا
يطول لقانا وتزيد الفرحة
انتي تمني وكل غالي يرخصلك
قمر وانتي لابسة الطرحة
ياريتني كنت جارك
كان زماني جنبك
أو واقف تحت دارك
وبصوت واطي بقول بحبك
اشبك نت من وايفايك
وتشبكني عنيكي مع قلبك
تقوليلي ياريتك كنت جاري
اعلي صوتي واقول بحبك
أهلك يسمعوني اقوم جاري
وتفرحي إني جريت وسايبك
ياريتني جارك مكنتش أداري
كنت قدامهم كلهم اقول بحبك
ش . ح
|