 مفيش مقارنة
يا صوت الشتا وليله الطويل
يا ريحة القهوة وطعمها الجميل
يا غنوة حلوة القلب ل لحنها بيميل
القلب عطشان وقلبك أحلى سلسبيل
اسقيني كمان من الحنان
أنا قلبي أثيوبي وطمعان فيك يا نيل
أما قلبك محبوبي ومفيش غيره قلب بديل
حبك ليا ثقتك فيا خوفك عليا
حاجات تمنها غالي من قلب غالي معدنه أصيل
أنا لو أحبك العمر كله مش هقدر على رد الجميل
دنيا خدت مني كل حاجة إديتهالي
وانتي لوحدك عوضتيني وخففتي حمل كان تقيل
تعبتني شنط حنيني لقيت إيديكي معايا بتشيل
مفيش مقارنة بينك وبينها
اللي انتي بتسأليني عنها
وحدة بصدق حبيتها وكان حبها كدب وتمثيل
انا من زمان نسيتها اللي عملته فيا مكنش قليل
إنتي المعادلة الوحيدة الصح ف دنيتي
وانتي اللي ما تتقارنيش بحد
وجودك بيلغي حزني وبيرسم ضحكتي
يا وردة شايلة ف إيدها ورد
تكسبي أي تحدي بقولها وعلى مسؤوليتي
يا روح قلبي مفيش زيك بجد
ش . ح
|