[شاعر الحب الحزين]

الحب بيطلب عكس إسمه
ساعات الوفا بيبقى خصمه
كتر الحب بيخليه يقل
كتر الإهتمام بيخليه يمل
قلل حبك وخليك شاطر في رسمه
اقفل قلبك تلقى ألف قلب يحلم يضمه


قد ما استنيت منها رد لحبي الكبير
كنت لو غابت افضل اسأل عنها كتير
تشوفني مهتم يغيب اهتمامها
كل ما يزيد كلامي يقل كلامها
سبتها ومشيت وعقلي مشتت م التفكير
خفت اخسرها دي ملكة يتمناها ألف أمير
خطة انقسامها بدأت بعد خصامها
بقيت اتجاهلها كل ما اعدي قدامها
صاحبت صاحبة صاحبتها وطلعنا ف مشاوير
وسبت صاحبتها عشان تمشي خطة التغيير
صاحبة صاحبتها هي مش بتحبها
بان كيدها وبان الحب في قلبها
ابتدت تسأل صاحبتها عني ابتدت تحبني وتغير
شكرا يا تجاهل يا قلة الإهتمام شكرا يا قلة التقدير
قد ما حاولوا يخلوها تبقى من نصيبهم
محد قدر يشغلها كانت تمشي وتسيبهم
جيت بطريقتي خطفت قلبها ما انا في الحب خبير
اللي كانت تقيلة وجامدة ابتدت تحس ابتدت تغير


ش . ح