[بحر القمر]

عمر ما كان الشخص الحساس كئيب او نكدي كل الموضوع ان تركيبته بتبقي مختلفه عن غيره
هو بيفرح من قلبه من اقل حاجه وبيزعل برضو من قلبه لو حصل حاجة بسيطة أثرت فيه بشكل سلبي
هو دموعه قريبة و ضحكته أقرب
هو روحه مبتستحملش العلاقات المُرهقة و الإنتقاد الشديد و المشاعر المعقدة
هو أي حاجة بتسيب أثر جواه سواء حلو أو وحش
هو جدع جدا وروحه حلوة ورومانسي
هو اكتر حد تركيبته تعباه وبتخلي الدنيا صعبه عليه .. للاسف انت صعب تحس زيه او تتوجع زيه
هو أكتر حد بيتأذي نفسيًا كُل يوم
هو اكتر حد بيصاب بحالة إكتئاب بتدمره علي اهون وابسط سبب
هو اكتر حد بيركز وبياخد باله من التفاصيل الصغيرة اوي إلى محدش بياخد باله منها ف المواقف
هو اكتر حد متشاف غلط عشان بيركز ف كل حاجه فيتقال عليه ان زعله قريب فا بتتشاف إنه بيتقمِص وتتحط تحت مسمي ده بيزعل بسرعه
هو ممكن موقف واحد يحصل لغيره ولمجرد إنه حضروه يقفله عن العالم شهر كامل ويشغل كُل تفكيرهم
هو مزاجي بشكل حادّ ومزاجيته واصله لكُل مشاعره( إلّي هو ممكن يكون الشخص ده مُكّتئب و بائس بس لو جيت كلمته وهزرت معاه هتلاقيه بيضحك معاك و يهزر وكأن شئ لمّ يكُن) لو بيعيط وحاله حال وجيت فكرته بموقف يضحكه هتلاقيه بيضّحك وهو بيعيط
هو مش مفهومه ومهما حاولت تفهمه وتقرب منه وتظن إنك عرفته كويس بأكدلك إنك كده مقربتش منه خطوة واحده عشان هو معرفكش غير الّى عاوز يعرفهولك
هو قوته ف نقاء قلوبه ودى أكتر حاجه بتجذب أي شخص ليه وتخلي اي شخص يقع في حبه عشان بيشوفه شخص نادر جدًا .
أحترم مشاعره و أنفعالته و ردور أفعاله مهما كانت مُرهقة و مش منطقية بالنسبة ليك لأنها حقيقية و مش مزيفة