عشان كده ما بحبش أحب عشان وقته قليل في القلب
ومع الأيام بيتحول لوهم وكدب
لو داريته جواك بيكبر
لو اعترفت بيه رح تخسر
هتبقى اخترت النهاية لكل لحظة قرب
حلو في البداية بس اللي بعدها هو الصعب
متصدقش لو سمعت صدقه ف أغنية
ما تتفرجش على مسلسلات تركية
الحب الحقيقي مش تمثيل في أفلام ولعب
الحب الحقيقي محتاج تضحية مع النفس وحرب
لا اخترنا اللي بنحبهم ولا حبينا اللي اخترناهم
غيرنا ساكن في قلبهم بس إحنا اللي معاهم
ييجي منين التفاهم لما يبقى الحب وطن والخيانة شعب
عشان كده ما بحبش أحب الأسباب كتير وأولها الحب
عشان اتعودت أحب الكل بنفس القدر
مش هقبل يبقى حبي ليهم خيانة وغدر
عشان حبي للجميع مش لوحدة بس
مش هسيب شهور السنة واتعلق في شهر
مش هسيب الصفحات فاضية عشان سطر
عشان كده ما بحبش أرتبط
عشان مش بحب أتقيد، بحب أبقى دايما حر
عشان ما يتسماش حبي لأكتر من شخص غدر
ش . ح
|